460
ජපාන ගුවන් සේවයේ මීළඟ සභාපති ලෙස පළමුවරට කාන්තාවක් පත්වීමට නියමිත බවත්, ඇය හිටපු ගුවන් සේවිකාවක් බවත් විදෙස් මාධ්‍ය වාර්තා කළේය. 59 හැවිරිදි මිට්සුකෝ ටොටිරි නමැති හිටපු ගුවන් සේවිකාවක වන අතර, ඇය 1985දී ජපාන ගුවන් සේවයට එක්වී සිටි බව ද වාර්තා වේ. ඒ අනුව ලබන අප්‍රේල් මාසයේ 1 වැනිදා සිට ඇය වැඩ භාර ගැනීමට නියමිතව ඇති අතර, ජපාන ගුවන් සේවයේ වත්මන් සභාපතිවරයා වන යූරි අකසාකාගේ ධුර කාලය මාර්තු මස 31 වැනිදායින් අවසන් වන බව සඳහන් වේ.
ඉදිරියේදී ජපාන ගුවන් සේවයට කාන්තාවන් වැඩි වශයෙන් බඳවා ගැනීමට පියවර ගන්නා බව මිට්සුකෝ දැනටමත් ප්‍රකාශ කර ඇතැයි ද විදෙස් මාධ්‍ය වැඩිදුරටත් වාර්තා කළේය.
