318
රට පුරා ඇති සංචාරක කලාප ආවරණය වන පරිදි ශ්‍රී ලංකා ගමනාගමන මණ්ඩලය මඟින් දෙස් විදෙස් සංචාරකයන් වෙනුවෙන් යෙදවීමට නියමිත විශේෂ සුඛෝපභෝගී බස් රථ සේවාවේ මුල් අදියරය කොළඹ නගරය කේන්ද්‍ර කරගෙන ‘කොළොම්පුර චාරිකා’ නමින් ජනාධිපති රනිල් වික්‍රමසිංහ මහතාගේ ප්‍රධානත්වයෙන් ලබන පෙබරවාරි 04 වැනිදා ආරම්භ කිරීමට නියමිතය.
සංචාරක වළලු හතරක් හඳුන්වා දෙමින් නියමු ව්‍යාපෘතියක් ලෙස ආරම්භ කෙරෙන ‘කොළොම්පුර චාරිකා’ සඳහා යොදවනු ලබන බස් රථ ජනමාධ්‍ය, ප්‍රවාහන හා මහාමාර්ග අමාත්‍ය ආචාර්ය බන්දුල ගුණවර්ධන මහතා විසින් පෙරේදා (17) නිරීක්ෂණයට ලක් කළේය.
‘දිනමිණ’ ඊයේ (18) මුල් පිටුවේ ඡායාරූපයක් සහිතව පළ වූයේ එම නිරීක්ෂණයට අදාළ ඡායාරූපය හා ඊට අදාළ ප්‍රවෘත්තියයි.
