වැල්ලම්පිටිය සේදවත්ත ශ්‍රී සිද්ධාර්ථ මධ්‍ය මහා විද්‍යාලයෙන් තම ක්‍රීඩා දිවියට අත් පොත් තැබූ ක්‍රිකට් ක්‍රීඩක මහිෂ් තීක්ෂණ මහතා නව වසරේ තම විදුහල් බිම වෙත පැමිණ විදුහල්පතිවරයා සහ ආදි ශිෂ්‍ය සංගම් නියෝජිතයින් හමු වී විදුහලේ වර්තමාන ප්‍රගතිය සහ ඉදිරි කටයුතු පිළිබඳව සාකච්ඡාවක නිරත විය.
එහිදී තීක්ෂණ මහතා අයදුම්පතක් පුරවා ආදි ශිෂ්‍ය සංගමයේ සාමාජිකත්වය ලබා ගත්තේය. නවීකරණය වෙමින් පවතින විදුහලේ ක්‍රීඩා පිටිය ද නිරීක්ෂණය කළ ඒ මහතා ක්‍රීඩා පිටියේ ඉදිරි සංවර්ධන කටයුතු සඳහා රුපියල් ලක්ෂ 10ක මුදලක් ආදි ශිෂ්‍ය සංගමය වෙත පරිත්‍යාග කිරීම ද සිදු වුණි. පාසලේ ඉදිරි උන්නතිය වෙනුවෙන් නිරන්තරයෙන්ම තම සහය ලබා දෙන බවද හෙතෙම පවසා සිටියේය.
මෙම අවස්ථාවට විදුහල්පති ඉන්ද්‍රජිත් බොලුකදුර, ආදි ශිෂ්‍ය සංගමයේ ලේකම් රෝහිත සෙනෙවිරත්න, භාණ්ඩාගාරික දිනේෂ් චින්තක, රොශාන් රුබේරු, හර්ෂ නලින්, නන්දන විරසිංහ ඇතුළු පිරිසක් සහභාගී වූහ.
