ජලජ පරිසරයට හිතකර පැළ සිටුවීමක් ඉමගිර

පාසල් සිසුවියකගේ ව්‍යාපෘතියකට සමගාමීව ඉංගිරිය, ඉමගිර රක්ෂිත ප්‍රදේශයේ ජල පෝෂක ප්‍රදේශ ආශ්‍රිතව ආක්‍රමණශීලි ශාක ඉවත් කරමින් ජලජ පරිසරයට හිතකර ශාක රෝපණය කිරීමේ වැඩසටහනක් පසුගියදා සිදුකෙරුණි.

අධ්‍යාපන අමාත්‍යාංශය සහ එම්. ඒ. එස්. හෝල්ඩින්ස් (MAS) සමාගම එක්ව සිදු කර ගෙන යනු ලබන “ECO GO BEYOND” තිරසර සංවර්ධන පාසල් වැඩසටහන යටතේ “පරිසර පද්ධති ප්‍රතිස්ථාපනය” තේමාවට අදාළව හොරණ අධ්‍යාපන කොට්ඨාසයේ ඌරුගල ශ්‍රී ධර්මාලෝක විදුහලේ ආර්. හිමාෂා සිසුවියගේ ව්‍යාපෘතියකට අනුව මෙය සිදු කෙරුණි.

හොරණ, බොඩිලයින් ආයතනයේ අනුග්‍රහයෙන් සහ ඉංගිරිය ප්‍රාදේශීය ලේකම් කාර්යාලයේ “හරිත කවය” සහ සෙසු නිලධාරීන්ගේද සහයෝගිත්වයෙන් වැඩසටහන ක්‍රියාත්මක කරන ලද අතර 620ජී මහඉංගිරිය වසමේ නිලධාරීන් හා ගම්වාසීන්ද ඇතුළුව විශාල පිරිසක් මේ සඳහා සහභාගි වූහ.