මිතුරෙකු සමග නීති විරෝධී මත්පැන් පානය කළ එක්දරු පියකු සැකකටයුතු ලෙස මියගොස් ඇතැයි බණ්ඩාරගම පොලිසිය කියයි
මෙලෙස මියගොස් ඇත්තේ හල්තොට තුත්තිරිපිටිය පදිංචිව සිටි තීරෝද රථ රියදුරෙකු වූ ඉෂාන් පුෂ්පකුමාර නැමැති 45 හැවිරිදි එක්දරු පියකි
මියගිය ත්‍රී රෝද රථ රියදුරු බණ්ඩාරගම බද්දේගොඩ ප්‍රදේශයේ නිවසක් ඉදිකරන අතර එම නිවස ආසන්නයේ ඉදිකර තිබෙන කුඩා මඩුවක ලෑලි තට්ටුවක් මත ඔහු මියගොස් ඇතැයි පොලිසිය කියයි
ඔහුගේ බිරිඳ ඔහුගේ දුරකථනයට අද ( 08 )අලුයම දුරකථන ඇමතුම් ගත්ත ද ඊට ප්‍රතිචාර නොදැක්වීම හේතුවෙන් අසල්වාසී තරුණයෙකුට ඔහු පිළිබඳ සොයා බලන ලෙස දැනුම් දීමෙන් අනතුරුව එම තරුණයා කුඩා මඩුව තුළට පැමිණ සිදුකළ සොයා බැලීමෙන් අනතුරුව මියගිය අය කිසිදු ප්‍රතිචාරයක් නොදැක්වීම සම්බන්ධයෙන් බිරිඳට ඒ පිළිබඳ දැනුම් දීමෙන් අනතුරුව ඇය පැමිණ පොලිසියට පැමිණිලි කර ඇත
පොලිසිය පැමිණ සිදු කළ පරික්ෂාවේදී මළ සිරුර ආසන්නයේ මිලි ලීටර් 500 නීති විරෝධී මත්පැන් බෝතලයක් තිබී සොයාගෙන ඇත
ඔහු සමග එකට මත්පැන් පානය කළ බවට කියන මිතුරාගෙන් ප්‍රකාශ ලබා ගත් බව පොලිසිය කියයි
