ශ්රී ලංකා පාසල් ක්රිකට් සංගමය ශ්රී ලංකා ක්රිකට් ආයතනයේ අනුග්රහය ඇතිව සංවිධාන කරන අවුරුදු 19න් පහළ අන්තර් පාසල් දෙදින ක්රිකට් තරගාවලියේ තරගයකදී ගලහිටියාව මධ්ය මහා විදුහලට එරෙහිව පන්දුවෙන් දස්කම් දක්වමින් තරගය පුරා ලකුණු 37කට කඩුලු 15ක් දවාලීමට හොරණ තක්ෂිලා විදුහලේ වමත් දඟ පන්දු යවන සෙවින් දිසානායක සමත් විය.
මේ තරගයෙන් තක්ෂිලා විදුහලට ලකුණු 189ක ජයක් හිමි වූ අතර, එහිදී තක්ෂිලා පිල වෙනුවෙන් පිත්තෙන් දස්කම් දැක්වූ සන්දිත් රණවීර දෙවැනි ඉනිමේදී නොදැවී ලකුණු 110ක් සහ පළමු ඉනිමේදී අර්ධ ශතකයක් (50) රැස් කිරීමට සමත් විය.
තවත් තරගයකදී මහනුවර ධර්මරාජ විදුහලේ ලක්වින් අබේසිංහ කොළඹ සහිරා විදුහලට එරෙහිව තුන් ඉරියව් දස්කම් දක්වමින් ඉනිමක සහ ලකුණු 3ක ජයක් ගෙනදීමට වැඩි දායකත්වයක් දැක්වීය.
හොරණ තක්ෂිලා මැදි විදුහලට ලකුණු 189ක ජයක්
තක්ෂිලා පළමු ඉනිම – 170 (ඕවර 55.2) කුවිඳු මධුභාෂ 51, සන්දිත් රණවීර 50 (රසිත් නිම්සර 43/7, ෂෙන් ඩිලාන් 28/2) සහ දෙවැනි ඉනිම – 203/5 (ඕවර 42) සන්දිත් රණවීර නොදැවී 110, කුවිඳු මධුභාෂ 44 (ෂෙන් ඩිලාන් 66/2, රසිත් නිම්සර 73/2)
ගලහිටියාව පළමු ඉනිම – 114 (ඕවර 28.3) කේෂව කවීන් 31, රවිඳු අශාන් 24, වතිල දම්හිරු 22 (සන්විදු සෙවින් 14/8, රෂාන් දීමන්ත 61/2) සහ දෙවැනි ඉනිම – 70 (ඕවර 19.2) (සන්විදු සෙවින් 23/7, රෂාන් දීමන්ත 33/3)
මහනුවර ධර්මරාජ විදුහලට ඉනිමක සහ ලකුණු 3ක ජයක්
කොළඹ සහිරා පළමු ඉනිම – 92 (ඕවර 32) රොෂාන් කරීම් 29 (ලක්වින් අබේසිංහ 21/4, දක්ෂිණ මනුකල්ප 13/3, ෂෙහාන් මාරසිංහ 36/2) සහ දෙවැනි ඉනිම – 150 (ඕවර 60.1) රොෂාන් කරීම් 38, පවන් ජයවර්ධන 30 (ලක්වින් අබේසිංහ 39/3, දුලාර බන්දුලසේන 56/3)
ධර්මරාජ පළමු ඉනිම – 245/5 (ඕවර 84) ලක්වින් අබේසිංහ නොදැවී 117, ඉසුරු පන්නල 75 (තරුෂ නවෝද්ය 49/2, ඉස්මත් සයාන් 76/2)