500
කුරුණෑගල විශේෂ මත්ද්‍රව්‍ය වැටලීම්වලින් දින 13කදී හෙරොයින් ඇතුළු වැටලීම් 673ක් සිදු කළ බව කුරුණෑගල කොට්ඨාස භාර ජ්‍යෙෂ්ඨ පොලිස් අධිකාරි උපුල් චන්දන අබේසිංහ මහතා සඳහන් කරයි.
පොලිස් අධිකාරිවරයා මේ බව සඳහන් කළේ කුරුණෑගල පොලිස් අභ්‍යාස විද්‍යාලයේ රන්දෙණිය ශාලාවේදී පාසල් බස් රථ හිමිකරුවන්, රියැදුරන් සහ සහායකයන් සමඟ රථවාහන සේවයේ නිරත පොලිස් නිලධාරීන් දැනුම්වත් කිරීමේ වැඩසටහනක දිය.
එහිදී පොලිස් අධිකාරිවරයා කියා සිටියේ දින 13කදී හෙරොයින් වැටලීම්වලින් නඩු 193ක්, අයිස් මත්ද්‍රව්‍ය වැටලීම් 60, ගංජා වැටලීම් 400 සහ වෙනත් 20ක් වශයෙන් නොසිතූ ලෙස මත්ද්‍රව්‍ය වැටලීම් රැසක් සිදුකිරීමට හැකි වූ බව ය.
දෙවැනි වරට පසුගිය 27 වැනිදා ආරම්භ කළ මෙහෙයුම්වලදී මේ වනවිට වැටලීම් 384ක් සිදු කළ බවය.
