Home » කාත්තාන්කුඩිහි මහල් නි‍ෙවසක කොටසක් කඩාවැටී මනාල යුවළට තුවාල

කාත්තාන්කුඩිහි මහල් නි‍ෙවසක කොටසක් කඩාවැටී මනාල යුවළට තුවාල

by mahesh
January 5, 2024 1:00 am 0 comment

මඩකලපුව ටී.එල්. ජව්ෆර්කාන්

කාත්තාන්කුඩි පොලිස් වසමට අයත් උමාර් ෂරීෆ් පල්ලිය පාරේ අලුතින් ඉදිකරන ලද දින 10කට පෙර මංගල උත්සවයක් පවත්වන ලද නව නි‍ෙවසක් මතට යාබද ඇති තෙමහල් ගොඩනැඟිල්ලක කොටසක් කඩා වැටීමෙන් නව නිවසට අලාභ හානි සිදුවී මනාල යුවළද තුවාල ලබා ඇත. අද පෙරවරු 7.40ට පමණ මෙම සිදුවීම සිදුව ඇත.

එම නිවස ආසන්නයේ ඉදිකර තිබූ තෙමහල් ගොඩඟිල්ලේ තුන්වන මහලේ කොටසක් කඩා වැටී අසල තිබූ නව නි‍ෙවස මතට වැටී තිබෙනවා. මේ හේතුවෙන් නි‍ෙවසේ කොටසකට දැඩි අලාභහානි සිදුවී ඇති අතර, නිදන කාමර ප්‍රදේශයට දැඩි අලාභහානි සිදුවී ඇත. මේ නිසා නිදන කාමරයේ සිටි මනාල යුවළට සුළු තුවාල සිදුවී ඇත.

මෙම නිවසේ පසුගිය දින දහයක පමණ කාලයක සිට විවාහ උත්සවයක් පවත්වා තිබීම විශේෂත්වයකි.

කඩා වැටුණු ගොඩනැඟිල්ලේ තුන්වන මහලේ කොටසක් නිම නොකර සාමාන්‍ය තත්ත්වයෙන් පවතිනු දක්නට ලැබුණු අතර එම කොටසට කවුරුන් හෝ හේත්තු වීම නිසා එම කොටස කඩා වැටී ඇති බවයි වාර්තා වන්නේ.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT