508
ඉන්දියාවේ චෙන්නායි සිට මන්නාරමට තේකොළ ප්‍රවාහනය කරන මුවාවෙන් රුපියල් කෝටි හතක් පමණ වටිනා අයිස් මත්ද්‍රව්‍ය කිලෝ 4.23ක් ප්‍රවාහනය කිරීමට තැත් කළ කාන්තාවක් හා තවත් පුද්ගලයින් තුන් දෙනකු චෙන්නායි පොලිසිය විසින් පෙරේදා (03) අත්අඩංගුවට ගෙන තිබේ.
තේකොළ පැකැට් ලෙස අසුරන ලද එම අයිස් මත්ද්‍රව්‍ය තොගය වෑන් රථයකින් රාමෙශ්වරන් වෙත රැගෙන විත් එතැන් සිට බෝට්ටුවක ආධාරයෙන් මන්නාරමට එවීමට සැලසුම් කොට තිබූ බව චෙන්නායි පොලිසිය සඳහන් කොට තිබේ.
අත්අඩංගුවට පත් හතර දෙනාගෙන් දෙදෙනකු ශ්‍රී ලාංකිකයින් වන අතර කාන්තාව හා පිරිමි පුද්ගලයකු ඉන්දීය ජාතිකයෝ වෙති.
සැකකරුවන් හතර දෙනා චෙන්නායි අධිකරණයට ඉදිරිපත් කිරීමට චෙන්නායි පොලිසිය පියවර ගෙන තිබේ.
