නත්තල් දා සංචාරක නිකේතනයක් කොල්ලකෑ කුඩ්ඩෝ බඩුත් එක්ක මාට්ටු

කල්පිටියේ කුඩාව සංචාරක නිකේතනයක් නත්තල් දින බිඳ භාණ්ඩ සොරාගත් සැකකරුවන් දෙදෙනකු කල්පිටිය පොලිසිය විසින් පෙරේදා (03) රාත්‍රියේ අත්අඩංගුවට ගෙන ඇත. සොරාගත් භාණ්ඩ, ඒවා මිලට ගත් පුද්ගලයින් තිදෙනකු සහ ප්‍රවාහන කටයුතු සඳහා යොදා ගත් ත්‍රිරෝද රථයක් ද මේ සමඟ අත්අඩංගුවට ගෙන ඇත.

සොරාගත් භාණ්ඩ අතර රූපවාහිනී යන්ත්‍ර සහ තාක්ෂණික මෙවලම් ද වේ. අත්අඩංගුවට පත් එක් සැකරුවකු යුද හමුදාවෙන් පලාගිය 32 හැවිරිදි මීගමුවේ පදිංචිකරුවෙකි. අනෙක් සැකකරු සංචාරක නිකේතනය ආසන්නයේ පදිංචි 28 හැවිරිදි පුද්ගලයෙකි. මොවුන් දෙදෙනාම තදින්ම මත්ද්‍රව්‍ය භාවිතයට ඇබ්බැහිවූවෝ බැව් පොලිසිය පවසයි.