Home » හම්බේගමුවේ නිවෙසක් බිඳ කසළ බඳුනේ සඟවා තිබූ රන් ආභරණ සොරාගෙන

හම්බේගමුවේ නිවෙසක් බිඳ කසළ බඳුනේ සඟවා තිබූ රන් ආභරණ සොරාගෙන

by mahesh
January 5, 2024 1:00 am 0 comment

ඌව වෙල්ලස්ස විශේෂ ඩී. එස්. ගුණතිලක

හම්බේගමුව පොලිස් වසමට අයත් රතඹලාගම ප්‍රදේශයේ නිවෙසක් පෙරේදා (03) දහවල් බිඳ නි‍ෙවසේ තිබූ රුපියල් දොළොස් ලක්ෂ විසිදහසක් වටිනා රන් ආභරණ සොරාගෙන ගොස් ඇතැයි හම්බේගමුව පොලිසිය පවසයි.

නි‍ෙවසේ හිමිකරු බිරිය සහ දරුවා සමඟ නි‍ෙවසේ දොරගුළු වසා හම්බේගමුව නගරයේ පැවැත්වෙන සතිපොළට උදේ 8.30ට පමණ ගොස් උදෑසන 11.30ට පමණ ආපසු පැමිණ තිබේ.

පැමිණ බැලීමේදී නි‍ෙවසේ පිටුපස දොර විවෘත කර තිබී ඇත.

වැඩිදුරටත් පරීක්ෂා කිරීමේදී නි‍ෙවසේ නිදන කාමරයේ අල්මාරිය අසල කසළ බඳුනේ සඟවා තිබූ රන් ආභරණ නොමැති බව අනාවරණය වී තිබේ.

පවුලේ අය පොළට යන විට අල්මාරියේ රන් ආභරණ කසළ බඳුනට දමා ඊට උඩින් කිළිටි රෙදිපිළි දමා ඒවා සඟවයි. එහි තිබූ පවුම් එකහමාරේ රන්මාලයක්, පවුම්කාලේ රන් පෙන්ඩනයක්, පවුම් භාගයේ රන් අත්පලඳනාවක්, පවුම් භාගයේ රන්මුදු දෙකක්, පවුම් එකහමාරේ තවත් රන්මාලයක් තවත් කුඩා ප්‍රමාණයේ රන් අත්පලඳනාවක් ඇතුළු රන් ආභරණ එහි තිබී නැත.

ඒවායේ වටිනාකම රුපියල් දොළොස් ලක්ෂ විසිදහසක් පමණ බව පොලිසියට පවසා ඇත.

හම්බේගමුව පොලිස් ස්ථානාධිපති ඩී. එම්. විජේසුන්දර මහතා සිද්ධිය පිළිබඳ පරීක්ෂණ පවත්වයි.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT