දේශගුණික විපර්යාසවලින් සිදුවන ව්‍යසන පාලනය කිරීම් සම්බන්ධව බොහෝ කරුණු බෞද්ධ ඉගැන්වීම්වල පැහැදිලි කර ඇතැයි ජාත්‍යන්තර බෞද්ධ සම්මේලනයේ අධ්‍යක්ෂ ජනරාල් අභීජිත් හල්ඩර් ප්‍රකාශ කළ බව ඉන්දීය මාධ්‍ය වාර්තා කළේය. පසුගියදා ඉන්දියාවේ බිහාර් ප්‍රාන්තයේ බුද්ධගයා නුවර මහබෝධි සංස්කෘතික මධ්‍යස්ථානයේ පැවැති ජාත්‍යන්තර බෞද්ධ සංසදයට සහභාගි වෙමින් ඔහු එසේ සඳහන් කර ඇත්තේ වර්තමානයේ ලොව පුරා දේශගුණික විපර්යාස හේතුවෙන් සිදුවන ව්‍යසන ගැන අවධාරණය කරමින් බව එරට මාධ්‍ය වැඩිදුරටත් වාර්තා කළේය. 
වසර 2500කට පෙර ගෞතම බුදුන් වහන්සේ විසින් සිදු කරනු ලැබූ බෞද්ධ ඉගැන්වීම් දේශගුණික විපර්යාස නිසා සිදුවන ව්‍යසන හා පාරිසරික විපත් පාලනය කිරීමට වැදගත් වන බව ජාත්‍යන්තර බෞද්ධ සම්මේලනයේ අධ්‍යක්ෂ ජනරාල්වරයා වැඩිදුරටත් ප්‍රකාශ කර තිබේ.
බුදුන් වහන්සේ එදා පෙන්වා දුන්නේ ඔබ ස්වභාවධර්මයට සලකන ආකාරයටම ස්වභාවධර්මය ඔබට සලකන බවයි. එය මතකයේ තබා ගනිමින් බොදු දහමෙන් අපට බෙදා ගත හැකි දේවල් ගැන සාකච්ඡා කිරිම වැදගත් වෙනවා. ඒ අනුව ධනාත්මක ප්‍රතිඵලයක් ළඟා කර ගත හැකි වනු ඇතැයි අපි බලාපොරොත්තු වෙනවා.‘ ඔහු එසේ සඳහන් කර තිබේ.
