176
හයිලෙවල් මාර්ගයේ විජේරාම ප්‍රදේශයේ දී මෝටර් රථයක් කුඩා ලොරි රථයක ගැටීමෙන් එම ලොරි රථය මාර්ගය හරහා පෙරළී ගොස් අනතුරක් සිදු වූ බව මිරිහාන පොලිසිය පවසයි.
අනතුරට ලක් වූ කුඩා ලොරි රථය මහරගම සිට නුගේගොඩ දෙසට ධාවනය කරමින් සිටිය දී එම දෙසටම ධාවනය වූ මෝටර් රථයක් වේගයෙන් පැමිණ ලොරි රථයේ පිටුපස ගැටීම නිසාවෙන් ලොරි රථයෙහි රියදුරුට රථය පාලනය කර ගත නොහැකිව එම ලොරි රථය මාර්ගය හරහා පෙරළී ඇතැයි සිදු කළ මූලික විමර්ශනයේ දී අනාවරණය වූ බව ද පොලිසිය පවසයි. අනතුර සිදු කළ මෝටර් රථයෙහි රියැදුරුට නින්ද යාම නිසා එක්වරම මෝටර් රථයෙහි වේගය වැඩි වී මෙම අනතුර සිදු වූ බව මෝටර් රථයෙහි රියැදුරු පොලිසියට පවසා ඇත.
අනතුරින් කුඩා ලොරි රථයෙහි ගමන් ගත් තරුණයින් දෙදෙනකු සහ මෝටර් රථයෙහි රියැදුරු සුළු තුවාල ලබා ඇත. මේ සම්බන්ධයෙන් මිරිහාන පොලිසිය වැඩිදුරටත් පරීක්ෂණ පවත්වයි.
