213
තව වසර කීපයක් ගතවෙද්දී මේ රටටත් ආණ්ඩුවක් අවශ්‍ය නොවන බවත් ටෙලිවිෂන් එක විසින් සියල්ල සිදු කරනු ඇතැයි සෞන්දර්ය විශ්වවිද්‍යාලයේ මහාචාර්ය සෞම්‍ය ලියනගේ මහතා පැවසීය. ඒ මහතා මෙසේ පැවසුවේ වේදිකා, රූපවාහිනී හා සිනමා නළුවකු වූ මැල්කම් මචාඩෝගේ කලා දිවිය ඇගයීම වෙනුවෙන් කෑගල්ලේ පැවති උත්සවයකට එක් වෙමිනි.
අශෝක හඳගමගේ ඇල්බොරාදා චිත්‍රපටයේ රත්නෙ අයියාගේ චරිතය රඟපෑම වෙනුවෙන් සිග්නීස් සිනමා උලෙළේ දී හොඳම සහාය නළුවාට හිමි සම්මානය හිමි කර ගැනීම වෙනුවෙන් කෑගල්ල අඹසෙවණ නිවාඩු නිකේතනයේ දී පසුගිය (09) මෙම උත්සවය පැවැත්විය.
මෙම අවස්ථාවට කෑගල්ල මහේස්ත්‍රාත් අධිකරණයේ විනිසුරුවරු ඇතුළු නීතිඥවරු රැසක් ද එක්ව සිටියහ.
