අපේක්ෂා රෝහලේ ඉදිවෙමින් පවතින සිව්මහල් ගොඩනැඟිල්ල සෞඛ්‍ය ඇමැතිගේ නිරීක්ෂණයට

ඓතිහාසික රුහුණු කතරගම මහා දේවාලයේ බස්නායක නිලමේ ඩිෂාන් වික්‍රමරත්න ගුණසේකර මහතාගේ අදහසක් මත දේවාලයේ අරමුදල් සහ පරිත්‍යාගශීලීන්ගේ ආධාරවලින් මහරගම අපේක්ෂා රෝහලේ ඉදිකෙරෙමින් පවතින සිව්මහල් ළමා වාට්ටු ගොඩනැඟිල්ලේ ඉදිකිරීම් කටයුතු නිරීක්ෂණය කිරීමට සෞඛ්‍ය ඇමැති, වෛද්‍ය රමේෂ් පතිරණ මහතා පෙරේදා (13) එහි ගියේය. නවීන පහසුකම්වලින් යුතු මේ ළමා වාට්ටු සංකීර්ණයේ වැඩ කටයුතු 2024 වර්ෂයේ මාර්තු වන විට අවසන් කිරීමට නියමිතය. මේ අවස්ථාවට බස්නායක නිලමේවරයා සහ රෝහලේ වෛද්‍යවරු සහභාගී වූහ.