349
මහ කොමසාරිස්ගෙන් ආධාර ඉන්දියානු සහකාර මහකොමසාරිස් කාර්යාලයට සියවසක් පිරීම නිමිති කර ගෙන පසුගිය දිනවල මහනුවර අවට විවිධ ස්ථාන කේන්ද්‍ර කර ගනිමින් ප්‍රජා සත්කාරක වැඩසටහන් රැසක් සිදු කරනු ලැබීය.
එම වැඩසටහන් අතර, රංගල කුමරන් සහ මලෙයිමගල් යන වතු ආශ්‍රිතව පිහිටි දමිළ පාසල් දෙකෙහි ඉගෙනුම ලබන සිසු දරු දැරියන් හට පොත්පත්, පාසල් උපකරණ, කුඩ හා රසකැවිලි බෙදා දීමක් සිදු කරන ලදි. ඉන්දීය සහකාර මහකොමසාරිස් වෛද්‍ය අතීරා එස්. මෙණෙවියගේ ප්‍රධානත්වයෙන් පැවති මෙම වැඩසටහනට මහනුවර අතිරේක දිස්ත්‍රික් ලේකම් නිලුකා බුලත්ගේ ඇතුළු රාජ්‍ය නිලධාරීහු පිරිසක් ද එක්ව සිටියහ.
කටුගස්තොට සමූහ – එස්. ජී. විජේරත්න
