Home » කුඩා බිළිඳු මළ සිරුරක් මහමග තිබී හමුවෙයි

කුඩා බිළිඳු මළ සිරුරක් මහමග තිබී හමුවෙයි

by yasara
December 14, 2023 9:11 am 0 comment

මහියංගණය පොලොන්නරුව මාර්ගයේ අලුත්තරම ප්‍රදේශයේ තිබි පිරිමි දරුවෙකු ගේ බිළිදු  මළ සිරුරක් ඊයේ (13)  පස්වරුවේ හමුවු බව ගිරාදුරුකොට්ට පොලිසිය පැවසීය.

අලුත්තරම ආර්මි බස් නැවතුම් පොල ආසන්නයේ කුඩා දරුවෙකු ගේ බවට සැක කල හැකි මළ සිරුරක් ඇති බවට ලද තොරතුරක් මත එම ස්ථානයට ගිය පොලිස් නිලධාරීන් හට මෙම සිරුර හමුවි ඇති අතර ඒ ආසන්නයේ කලු පැහැති ටියුලිත් බෑගයක් ද තිබි හමුවු බවත් එම බෑගයේ දමා රැගෙනවිත් මෙම ස්ථානයේ මෙම මළ සිරුර  දමා යන්නට ඇති බවත් පොලිසිය පවසා සිටියි.

අනතුරුව මේ පිළිබඳ මහේස්ත්‍රාත් පරික්ෂණ කටයුතු සිදු කිරීමෙන් පසු එය මහියංගණය මූලික රෝහල් මෘත ශරීරාගාරයේ තැන්පත් කර ඇති බවද පොලිසිය සඳහන් කලේය.

මෙම සිරුර දිනක් පමණ වයසැති බිළිදෙකු ගේ බවට විශ්වාස කරන බවත් ඒ පිළිබඳව පශ්චාත් මරණ පරික්ෂණයක් සිදුකිරිමට අවශ්‍ය පියවර ගන්නා බවද පොලිසිය පවසයි.

බදුල්ල කොට්ඨාසය භාර ජ්‍යෙෂ්ඨ පොලිස් අධිකාරි වසන්ත කන්දෙවත්ත  සහ මහියංගණය සහකාර පොලිස් අධිකාරි එස්.පි පලිපාන යන මහත්වරුන්ගේ උපදෙස් මත ගිරාදුරුකොට්ට පොලිස් ස්ථානාධිපති පොලිස් පරික්ෂක සුදේශ් චතුරංග මහතා ගේ මෙහෙයවීමෙන් අපරාධ අංශයේ නිලධාරීන් විසින් වැඩිදුරටත් විමර්ශන සිදුකරන බවද පොලිසිය සදහන් කළේය

 

 

 

 

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT