මා හිස නමන්නේ පුරාවිද්‍යා අඥා පනතට පමණක් බව බුද්ධ ශාසන ආගමික සහ සංස්කෘතික කටයුතු ඇමැති විදුර වික්‍රමනායක මහතා පාර්ලිමේන්තුවේදී ඊයේ (07) ප්‍රකාශ කෙළේය.
පුරාවිද්‍යා වටිනාකමක් ඇති දේවල්වලට විවිධ බලපෑම් එල්ල වෙමින් පවතින බවට පාර්ලිමේන්තු මන්ත්‍රී හේෂා විතානගේ මහතා මතුකළ ප්‍රශ්නයකට පිළිතුරු දෙමින් ඇමැතිවරයා මේ බව පැවසීය.
වැඩිදුරටත් අදහස් දැක්වූ ඇමැතිවරයා මෙසේද පැවසීය.
ජනාධිපතිවරයා ප්‍රකාශ කරන අයුරින්ම මෙරට ආර්ථික සංවර්ධනයට පුරාවස්තු මෙන්ම පුරා විද්‍යා ස්ථාන යොදා ගන්නේ කෙසේදැයි සොයා බලමින් සිටිනවා. එම පුරාවිද්‍යා ස්ථාන නිකං තිබුණාට පලක් නැහැ. ඒවාට ජනතාවට පිවිසෙන්නට ඉඩ දී ප්‍රදර්ශනය කළ යුතුයි. එමෙන්ම ගවේෂණය කරමින් සංරක්ෂණය කළ යුතුව තිබෙනවා.
මා හිස නමන්නේ පුරාවිද්‍යා අඥා පනතට පමණයි. පුරා විද්‍යාත්මක ස්ථාන නිකං තිබුණත් ඉන් ප්‍රයෝජනයක් නැහැ. ඒවා නැරඹීමට මහජනතාවට ඉඩ ලබා දිය යුතුයි.
