Home » කොළඹ නාලන්දා විද්‍යාලයේ 87 කණ්ඩායමේ නව නිල මඩුල්ල

කොළඹ නාලන්දා විද්‍යාලයේ 87 කණ්ඩායමේ නව නිල මඩුල්ල

by mahesh
December 8, 2023 1:00 am 0 comment

නෙත්මි පූජනී රත්නායක

කොළඹ,නාලන්දා විද්‍යාලයේ 87 කණ්ඩායම සඳහා නව නිලධාරී මණ්ඩලයක් තෝරාගෙන තිබේ.

කඩවත,රෝස් ගාඩ්න් උත්සව ශාලාවේ දී පසුගියදා පැවැති වාර්ෂික මහා සභා රැස්වීමේ දී මේ නිලධාරී මණ්ඩලය තෝරාගෙන තිබෙන අතර නාලන්දා විද්‍යාලයේ කීර්තිමත් ආදි ශිෂ්‍යයන් 100ක් පමණ මේ අවස්ථාවට එක්ව සිටියහ.

1987 වසරේ දී තම අධ්‍යාපන කටයුතු ගෞරවනීය ලෙස අවසන් කළ ආදි සිසුන් මේ 87 කණ්ඩායමට අයත් වන අතර පාසල් කාලයේ ගොඩනැඟුණු මිත්‍රත්වය ශක්තිමත් කර ගනිමින් එම සබඳතා තවදුරටත් පෝෂණය කිරීම අරමුණු කර ගනිමින් මේ කණ්ඩායම පිහිටුවා තිබේ.

මේ වාර්ෂික මහා සභා රැස්වීමේ දී නාලන්දා විද්‍යාලයේ ’87 කණ්ඩායට 2023/24 වසර සඳහා නව නිලධාරී මණ්ඩලය තේරී පත්ව තිබෙන අතර එම නිලධාරී මණ්ඩලය සමූහයේ මූලික අරමුණු ඉදිරියට ගෙනයෑමට සහ එහි සාමාජිකයන් අතර කල් පවතින බැඳීමක් ඇති කිරීමට කැපවී ක්‍රියා කරයි. ඒ අනුව නව නිලධාරී මණ්ඩලයේ සභාපතිවරයා වශයෙන් සමික අසිතන්ජ ගොඩමුන්නේ මහතා කටයුතු කරන අතර සමන්ත මෛත්‍රීවර්ධන මහතා ලේකම්වරයා වශයෙන් තෝරා ගෙන ඇත. ක්‍රිෂාන්ත වීරසේකර මහතා භාණ්ඩාගාරි වශයෙන් ද කැඳවුම්කරු වශයෙන් මිගාර පෙරේරා මහතා ද තේරී පත්ව ඇත.

අරමුදල් රැස් කිරීමේ උප සභාපතිවරයා වශයෙන් චන්දන කස්තුරිරත්න මහතා ද සාමාජිකත්ව සංවර්ධනය පිළිබඳ උප සභාපතිවරයා වශයෙන් අසේල ලෙවන්දූව මහතා ද පාසල් සංවර්ධන කටයුතු පිළිබඳ උප සභාපතිවරයා වශයෙන් චන්න ගුණරත්න මහතා ද තෝරාගෙන තිබෙන අතර සාමාජික බලගැන්වීමේ උප සභාපතිවරයා වශයෙන් බණ්ඩාර හේරත් මහතා ද තෝරාගෙන තිබේ. ඊට අමතරව මාධ්‍ය පිළිබඳ උප සභාපතිවරයා වශයෙන් බන්දුල රණතුංග මහතා සහ නියෝජ්‍ය ලේකම්වරයා වශයෙන් ඉෂාන් ගුණතිලක මහතා තේරී පත්ව ඇත.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT