බස්නාහිර පළාත් අධ්යාපන, සංස්කෘතික හා කලා කටයුතු අමාත්යාංශය සංවිධානය කළ 2022 – 2023 බස්නාහිර පළාත් විශ්වාභිනන්දන කලාකරු උපහාර සම්මාන උලෙළේදී නිවේදන හා හඬ කැවීම් අංශයේ සම්මානය ප්රවීණ නිවේදක හා මාධ්යවේදී සේනක උබේසිංහ මහතාට හිමිව තිබේ.
බස්නාහිර පළාත් සෞන්දර්ය නිකේතනයේ සභාපති, ප්රවීණ රංගධර ශ්රියන්ත මෙන්ඩිස් හා පළාත් අමාත්යාංශ ලේකම් සිරිසෝම ලොකු විතාන මහත්වරුන්ගේ සුරතින් ඒ මහතාට මෙම සම්මානය පිරිනමා ඇත. 1988 වසරේ යෞවන සම්මාන හොඳම නිවේදක ලෙස ජයග්රහණය ලබා ශ්රී ලංකාවේ පළමු රියැලිටි වැඩසටහන වූ තුරුණු ශක්ති සෞන්දර්ය චාරිකාවේ ප්රධාන නිවේදක ලෙස කටයුතු කළ සේනක උබේසිංහ මහතා මේ වන විට සෑම අඟහරුවාදා දිනකම උදෑසන 6.00ට ජාතික ගුවන් විදුලියේ ප්රධාන ප්රවෘත්ති විකාශය ඉදිරිපත් කරයි. ශ්රී ලංකා එළිමහන් ප්රසංග වේදිකා නිවේදක සංසදයේ සභාපති ලෙස ද කටයුතු කරන ඒ මහතා වසර 35කට වැඩි කාලයක් එළිමහන් ප්රසංග වේදිකා නිවේදකවරයකු ලෙස ඉහළ ජනප්රසාදයක් හිමි කරගෙන සිටී. මේ වන විට සමෘද්ධි සංවර්ධන දෙපාර්තමේන්තුවේ මාධ්ය අංශ ප්රධානී ලෙස රාජ්ය සේවයේ නියැළෙන ඒ මහතා සිය කලා දිවියේ ඇගැයීම් සම්මාන බොහොමයකට හිමිකම් කියයි.