492
මාලදිවයිනේ නව ජනාධිපති ආචාර්ය මොහොමඩ් මුයිසු මහතා එම ධුරයේ දිවුරුම්දීමේ උත්සවය ඊයේ(17) මාලේහීදි පැවති අතර ඊට සහභාගීවූ ශ්‍රී ලංකා ජනාධිපති රනිල් වික්‍රමසිංහ මහතා සිය උණුසුම් සුබපැතුම් මාලදිවයින් ජනාධිපතිවරයා වෙත පිළිගැන්වූයේය.
මෙම අවස්ථාවට සහභාගි වන ලෙස අසල්වැසි රටවල නායකයින් ඇතුළු අමුත්තන් 3000කට අධික පිරිසකට ආරාධනා කර තිබූ බව විදෙස් මාධ්‍ය සඳහන් කරයි.
නව ජනාධිපති මුයිසු, සිය සමාරම්භක දේශනයේදී, “වෙනත් ඕනෑම රටක ආරක්‍ෂක රතු රේඛාවට” ගරු කරන බවට ප්‍රතිඥා දුන්නේය. ආරක්‍ෂාව සම්බන්ධයෙන් ඉන්දියන් සාගර දූපත් සමූහයට “ඝන රතු ඉරක්” ඇති බව ඔහු අවධාරණය කළේය.
සැප්තැම්බර් මාසයේ පැවති මාලදිවයින් ජනාධිපතිවරණයෙන් ආචාර්ය මුයිසු ජයග්‍රහණය කළේ, දෙවන වටයේ දෙවැනි වටයේ දී වත්මන් ඊබ්‍රාහිම් සෝලි පරාජය කරමිනි.
