Home » ආසියාව දිනූ පැරා ක්‍රීඩකයෝ ඇගයෙති

ආසියාව දිනූ පැරා ක්‍රීඩකයෝ ඇගයෙති

by mahesh
November 17, 2023 1:00 am 0 comment

ඡායාරූප - විමල් කරුණාතිලක

චීනයේ හන්ජෝහිදී පැවති සිවුවැනි ආසියානු පැරා ක්‍රීඩා උලෙළේදී පදක්කම් 11ක් දිනා ගනිමින් ශ්‍රී ලංකාව ඔසවා තැබූ ක්‍රීඩක ක්‍රීඩිකාවෝ ඇගයීමේ උලෙළක් ඊයේ මාස් ආයතනයේ Hive ශාලාවේිදී පැවැත්විණි.

ජාතික පැරා ඔලිම්පික් කමිටුව සහ මාස් හෝල්ඩින්ග්ස් එක්ව මේ උපහාර උලෙළ සංවිධාන කළ අතර, මේ හවුල්කාරිත්වය මඟින් මෙරට පැරා ක්‍රීඩක ක්‍රීඩිකාවන්ගේ සුවිශේෂී අවශ්‍යතා සහ අභිලාෂයන් අවබෝධ කර ගනිමින් ඔවුන්ව ශක්තිමත් කිරීමට කටයුතු කරයි.

මෙවර ක්‍රීඩා උලෙළේදී ශ්‍රී ලංකාව දිනාගත් පදක්කම් 11ට රන් 2ක්, රිදී 5ක් සහ ලෝකඩ 4ක් ඇතුළත් විය. එහිදී නුවන් ඉන්දික රන් පදක්කමක් සහ රිදී පදක්කමක් දිනාගත් අතර, ප්‍රදීප් සොමසිරි රන් පදක්කමක්, අනිල් ප්‍රසන්න, සමිත දුලාන්, ජනානි ධනංජනා සහ ගලීනා බස්නායක රිදී පදකකම් සමඟ සමන් මධුරංග, පාලිත බණ්ඩාර, කුමුදු ප්‍රියංකා සහ නවීඩ් රහීම් ලෝකඩ පදක්කම් දිනා ගත්හ.

පැරා ක්‍රීඩක ක්‍රීඩිකාවන්ට උපරිමයෙන් සේවය කිරීම ශ්‍රී ලංකා ජාතික පැරා ඔලිම්පික් කමිටුවේ මෙන්ම මාස් හෝල්ඩින්ග්ස්හි අරමුණ බැවින් මේ හවුල්කාරිත්වය ශක්මත්ව ඉදිරියට යන බවත්, මේ ක්‍රීඩක ක්‍රීඩිකාවන් ඉදිරියට ගෙන යෑමේදී මාස්හි නවෝත්පාදනයන් අතිශයින් වැදගත් වන බවත් ක්‍රීඩක ක්‍රීඩිකාවන් උද්යෝගිමත්ව, නැවුම්ව සහ සුවපහසුවෙන් ක්‍රීඩා කරමින් දස්කම් පෙන්වීමට මාස් ඇඟලුම් ඉතා වැදගත්කමක් උසුලන බවත් පැරා ඔලිම්පික් කමිටුවේ උප සභාපති ප්‍රියන්ත පීරිස් මහතා පැවසීය.

මේ සහයෝගිතාව හුදු අනුග්‍රහය දැක්වීමකින් ඔබ්බට විහිදෙන අතර මාස්හි සුවිශේෂිත සන්නාමය වන “Lable” ආබාධිත ප්‍රජාව තුළ අභිමානය සහ ගෞරවය ඇති කරමින් සමාජයේ පවතින පටු ආකල්පවලින් මිදී ලෝකයා ඉදිරියට යෑමට අවස්ථාව උදා කර තිබේ.

මේ උපහාර උලෙළ තුළින් ක්‍රීඩා ඇඟලුම් නිර්මාණයේ සහ සංවර්ධනයේ නව්‍ය ප්‍රගතිය ද ප්‍රදර්ශනය කළේය. ජාතික පැරා ඔලිම්පික් කමිටුවේ නිල ඇඟලුම් අනුග්‍රාහකයා ලෙස මාස් හෝල්ඩින්ග්ස් කටයුතු කරයි.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT