සංස්කෘතික කටයුතු දෙපාර්තමේන්තුව හා මිනුවන්ගොඩ ප්‍රාදේශීය ලේකම් කාර්යාලය එක්ව සංවිධානය කරනු ලබන මිනුවන්ගොඩ ප්‍රාදේශීය සාහිත්‍ය උලෙළ මිනුවන්ගොඩ ප්‍රාදේශීය ලේකම් යූ.ඩබ්ලිව්.ටී.යූ. රාජකරුණා මහත්මියගේ ප්‍රධානත්වයෙන් උත්කර්ෂවත් අන්දමින් පැවැත්වුණි.
මිනුවන්ගොඩ ප්‍රාදේශීය ලේකම් කාර්යාලයීය ශ්‍රවණාගාරයේ පැවැත්වුණු 2023 වසරේ සාහිත්‍ය උලෙළ ප්‍රාදේශීය ලේකම්තුමිය ඇතුළු ආරාධිත අමුත්තන් විසින් චාරිත්‍රානුකූල පොල්තෙල් පහන් සිළු දැල්වීමෙන් අනතුරුව ආරම්භ කෙරුණි. පැමිණ සිටි පිරිස පංචශීලයෙහි පිහිටුවීම බෞද්ධ සමායෝජක තෙප්පනාවේ සභාවේ සුනීත හිමියන් සිදු කළහ. සාහිත්‍ය උලෙළ නිමිත්තෙන් පාසල් සිසු සිසුවියන් අතර හා විවෘත තරග සඳහා පවත්වන ලද සාහිත්‍ය තරගාවලියේ ජයග්‍රාහක ජයග්‍රාහිකාවන්ට සහතික පත්‍ර හා ත්‍යාග පිරිනැමීම ප්‍රාදේශීය ලේකම් තුමිය ඇතුළු ආරාධිතයින් අතින් සිදුවිය. මෙහිදී නර්තන කීපයක් මිනුවන්ගොඩ නේත්‍රා කලායතනයේ ශිෂ්‍යාවන් විසින් ඉදිරිපත් කරන ලදි.
ප්‍රධාන ආරාධිත දේශනය සුභාවිත ගීත තේමාව කරගනිමින් ශ්‍රී පාලි විශ්ව විද්‍යාලයේ වෝහාරික සංගීතය පිළිබඳ කථිකාචාර්ය කිත්සිළු වික්‍රමසිංහ මහතා විසින් සිදුකරන ලදි.
සාහිත්‍ය නිර්මාණ පරිවර්තන තරගාවලියෙන් ඉංග්‍රීසි සිංහල පරිවර්තන කෘතිවලින් ප්‍රථම ස්ථානය මාධ්‍යවේදී රංජන වික්‍රමනායක මහතා හිමිකරගත්තේය.
