ජාතික පාසල්වල ගුරු පුරප්පාඩුවලට උපාධිධාරීන් බඳවා ගැනීමේ සියලු තොරතුරු මේ ඉරිදා සිළුමිණ සමඟ නිකුත් කෙරෙන ගැසට් පත්‍රයේ

දිවයිනේ ජාතික පාසල්වල පවතින සිංහල, දෙමළ හා ඉංග්‍රීසි මාධ්‍ය ගුරු පුරප්පාඩු සඳහා උපාධිධාරීන් ශ්‍රී ලංකා ගුරු සේවයේ 3 – 1 (අ) ශ්‍රේණියට බඳවා ගැනීමේ විවෘත තරග විභාගය පිළිබඳ සියලු තොරතුරු නොවැම්බර් 17 වැනිදා (අද) නිකුත් කෙරෙන රජයේ ගැසට් පත්‍රයේ සඳහන්ව තිබේ. ඊට අමතරව රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශයේ කළමනාකරණ සේවා නිලධාරි සේවයේ III වැනි ශ්‍රේණියේ නිලධාරීන් සඳහා වන කාර්යක්ෂමතා කඩඉම් විභාගයට අදාළ සියලු විස්තර ද එහි සඳහන්ව ඇත. මෙම ගැසට් පත්‍රය නොවැම්බර් 19 වැනි ඉරිදා සිළුමිණ පුවත්පත සමඟ නොමිලේ නිකුත් කෙරේ.