පළාත් පාලන ආයතනවල සේවයේ නියුතු ස්ථිර නොකළ සුළු සේවකයන් ස්ථිර කිරීම සඳහා ප්‍රතිපත්තිමය තීරණයක් ගෙන ඇති බවත්, අවශ්‍ය පියවර ගැනීම සඳහා භාණ්ඩාගාරය හා සාකච්ඡා කරමින් සිටින බවත්, අගමැති සහ රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන ඇමැති දිනේෂ් ගුණවර්ධන මහතා පාර්ලිමේන්තුවේදී (16) ඊයේ ප්‍රකාශ කළේය.
මන්ත්‍රී දයාසිරි ජයසේකර මහතා ඊයේ (16) මෙසේද පැවසීය.
අවුරුදු 08ක් තිස්සේ මෙසේ වැඩ කරන සුළු සේවකයන් 13,000ක් පමණ සිටිනවා. ඔවුන්ට දැනට ඒ අදාළ පළාත් පාලන ආයතන මඟින් වැටුප් ගෙවනවා. එම නිසා මෙම සේවකයන් ස්ථිර කිරීමේදී ආණ්ඩුවට මුදලක් වැය වන්නේ නැහැ.
තවදුරටත් අගමැතිවරයා මෙසේද පැවසීය.
මිට පෙරද මෙම ප්‍රශ්නයට පිළිතුරු දී තිබෙනවා. දැනට මේ ගැන සොයා බලා භාණ්ඩාගාරය හා සාකච්ඡා කරමින් සිටිනවා මෙම පිරිස ස්ථිර කිරීමට. මොකද එම පළාත් පාලන ආයතනවලට දැරීමට හැකි සහ නොහැකි ස්ථාන තිබෙනවා. එම නිසා මෙම ප්‍රශ්නය නිරවුල් කිරීමට, ප්‍රතිපත්තිමය තීරණයක් දැනටමත් ගෙන තිබෙනවා. අවශ්‍ය ඉතිරි පියවර ගන්නවා.
