පසුගිය ඔක්තෝබර් මස 15 වැනි දින පවත්වන ලද 5 වසර ශිෂ්‍යත්ව විභාගයේ ප්‍රතිඵල ඊයේ(16) මධ්‍යම රාත්‍රියේ විභාග දෙපාර්තමේන්තුව විසින් නිකුත් කෙරිණි.
ඒ අනුව එම ප්‍රතිපල විභාග දෙපාර්තමේන්තුවේ නිල වෙබ් අඩවිය වන www.doenets.lk ට පිවිස ලබාගත හැකි බව එම දෙපාර්තමේන්තුව පවසයි.
පසුගිය ශිෂ්‍යත්ව විභාගයට අයැදුම්කරුවන් 338,037ක් අයැදුම් කර තිබූ අතර 332,949ක් පෙනී සිටියෝය.
කඩයිම් ලකුණින් ඉහළ ශිෂ්‍ය සංඛ්‍යව 50,664කි.
ඒ අනුව ශිෂ්‍යාධාර ලබාදෙන දරුවන් සංඛ්‍යව 20,000ක් වන අතර, ඒ අතරින් 250ක් විශේෂ අවශ්‍යතා ඇති දරුවන් සඳහා වෙන් කර ඇත.
මෙවර ප්‍රතිපල නිකුතුවේදී දිස්ත්‍රික් රෑන්ක් හෝ අයිලන්ඩ් රෑන්ක් දක්වා නොමැත.
එමෙන්ම මෙවර පහේ ශිෂ්‍යත්වයට අදාල එක් එක් දිස්ත්‍රික්කවල සිංහල හා දමිළ මාධ්‍ය කඩඉම් ලකුණු ද නිකුත් කර තිබේ. ඒ අනුව ගම්පහ කොළඹ කළුතර මහනුවර මාතලේ ගාල්ල මාතර කුරුණෑගල , කෑගල්ල දිස්ත්‍රික්ක සඳහා සිංහල මාධ්‍ය කඩඉම් ලකුණු 154ක් ලෙස දැක්වේ. හම්බන්තොට රත්නපුර අවම ලකුණු සීමාව 150 ක් වන අතර වවුනියාව වවුනියාව දිස්ත්‍රික්කයේ ලකුණු සීමාව 145 කි. කොළඹ gampaha ගම්පහ කළුතර මහනුවර මාතලේ ගාල්ල මාතර කුරුණෑගල කෑගල්ල දිස්ත්‍රික්කවල දමිළ මාධ්‍ය අවම ලකුණු 147 ක් ලෙස දැක්වේ
ප්‍රතිපල නිකුත්කර පැය 24කට පසු සියලුම විදුහල්පතිවරුන්ට ලබාදී ඇති user name සහ password භාවිතකර ප්‍රතිපල බාගත කරගත හැකිය.
යම් සිසුවකුගේ ප්‍රතිපල නැවත සමීක්ෂණය කළ යුතු නම් මෙම 27 දා සිට දෙසැම්බර් 04වැනිදා දක්වා කාලයේදී මාර්ගගතව අයැදුම් කළ යුතුය.
