කාසල්රී සහ මාවුස්සාකැලේ ජලාශ පිටාර මට්ටමේ

කාසල්රී සහ මාවුස්සාකැලේ ජල පෝෂක ප්‍රදේශවලට තවදුරටත් ඇද හැලෙන අධික වර්ෂාව හේතුවෙන් ජලාශ දෙකේම ජල මට්ටම පිටාර මට්ටමට ආසන්න වී ඇති බව ජලාශ භාර ඉංජිනේරුවරු පවසති. කාසල්රී ජලාශයේ ජල මට්ටම පිටාර මට්ටමට අඩි 2.9ක් සහ මාවුස්සාකැලේ ජලාශය පිටාර මට්ටමට අඩි 3ක් වශයෙන් ආසන්න වී ඇති බවත්, ජලාශ දෙකේම ජල මට්ටම 95% වඩා වැඩි වී ඇති නිසා විමලසුරේන්ද්‍ර, ලක්ෂපාන, නව ලක්ෂපාන, කැනියොන් සහ පොල්පිටිය ජල විදුලි බලාගාරවල විදුලි උත්පාදනය උපරිම ධාරිතාවෙන් කරන බව විදුලි බලාගාර ඉංජිනේරුවරු පැවසූහ.

හැටන් රංජිත් රාජපක්ෂ