584
අමෙරිකානු හමුදා හෙලිකොප්ටර් යානයක් අමෙරිකානු හමුදා හෙලිකොප්ටර් යානයක් අනතුරට ලක්වීමෙන් අමෙරිකානු සොල්දාදුවන් 5දෙනෙකු මිය ගොස් ඇතැයි විදෙස් මාධ්‍ය වාර්තා කරයි.
නැගෙනහිර මධ්‍යධරණි කලාපයේ දී එම යානය කඩා වැටී ඇත.
අමෙරිකා බලධාරීන් පැවසුවේ, කඩා වැටීමෙන් පසු වහාම සෙවීම් සහ මුදාගැනීමේ මෙහෙයුම් දියත් කර ඇති අතර, එයට හේතුව පිළිබඳව පරීක්ෂණයක් සිදුවෙමින් පවතින බවයි.
හෙලිකොප්ටරයේ සිටි භටයන් අමෙරිකා හමුදා විශේෂ මෙහෙයුම් නිලධාරීන් වූ බව සදහන් කෙරේ.
නිවේදනයක් නිකුත් කරමින් අමෙරිකා ආරක්ෂක ලේකම් ලොයිඩ් ඔස්ටින් මෙම අනතුර විස්තර කළේ “පුහුණු අනතුරක්” ලෙසිනි.
ඊයේ සිදුව ඇති මෙම අනතුර සම්බන්ධයෙන් අමෙරිකා ජනාධිපති ජෝ බයිඩන් ප්‍රකාශයක් නිකුත් කරමින් ශෝකය පළ කර ඇත.
