Monday, April 7, 2025
Home » පළමු කොටසේ ටියර් ඒ සහ බී අර්ධ අවසන් පූර්ව වටය හෙට ඇරඹේ
19න් පහළ සීමිත ඕවර ක්‍රිකට්

පළමු කොටසේ ටියර් ඒ සහ බී අර්ධ අවසන් පූර්ව වටය හෙට ඇරඹේ

by mahesh
November 10, 2023 1:00 am 0 comment

ඉෂානි යද්දෙහි

අවුරුදු 19න් පහළ පළමු කොටස ටියර් ‘ඒ’ සහ ‘බී’ අන්තර් පාසල් සීමිත ඕවර ක්‍රිකට් තරගාවලියේ කොටස් 2ක් යටතේ කණ්ඩායම් 16ක් අර්ධ අවසන් පූර්ව වටයට සුදුසුකම් ලබා ගැනීමට සමත් විය. එම තරග හෙට (11) ආරම්භ වීමට නියමිත අතර, පළමු දිනයේ තරග 3ක් පැවැත්වේ.

ටියර් ‘ඒ’

පළමු වටයේදී පාසල් 20ක් කාණ්ඩ දෙකක් යටතේ තරග වැදුණු අතර, එක් කාණ්ඩයකින් කණ්ඩායම් 4ක් බැගින් අර්ධ අවසන් පූර්ව වටයට සුදුසුකම් ලැබීය. පසුගිය වර ශූරයන් වූ මහනුවර ත්‍රිත්ව විදුහල අබිබවමින් කඳාන දි මැසිනෝද් විදුහල තම කාණ්ඩයේ ප්‍රසාද ලකුණු සටහනේ පෙරමුණ ගත් අතර, දෙවැනි තැනට පත් වූ මහනුවර ත්‍රිත්ව සමඟ කොළඹ සාන්ත ජෝසප් සහ කොළඹ රාජකීය විදුහල් අර්ධ අවසන් පූර්ව වටයට එක් විය. පසුගිය වර අනුශූරයන් වූ ගාල්ල රිච්මන්ඩ් විදුහල අබිබවා මෙවර තරගාවලියේ එකම අපරාජිත කණ්ඩායම වූ ගල්කිස්ස සාන්ත තෝමස් විදුහල තම කාණ්ඩයේ ප්‍රසාද ලකුණු සටහනේ පෙරමුණ ගනිමින් අර්ධ අවසන් පූර්ව වටයට සුදුසුකම් ලැබූ අතර, ගාල්ල රිච්මන්ඩ්, කොළඹ මහානාම සහ මොරටුව සාන්ත සෙබස්තියන් ද මේ වටයේ ස්ථාන වෙන් කර ගත්තේය.

අර්ධ අවසන් පූර්ව වටයේ තරග

හෙට (11) : කොළඹ රාජකීය (X4) සහ ගල්කිස්ස සාන්ත තෝමස් (Y1) සාන්ත පීතර විදුහල් පිටියේදී

12 දා: කඳාන දි මැසිනෝද් (X1) මොරටුව සාන්ත සෙබස්තියන් (Y4) නාලන්දා විදුහල් පිටියේදී

14 දා: කොළඹ සාන්ත ජෝසප් (X3) සහ ගාල්ල රිච්මන්ඩ් (Y2) තර්ස්ටන් පිටියේදී

14 දා: මහනුවර ත්‍රිත්ව (X2) සහ කොළඹ මහානාම (Y3) කදානේදී

ටියර් ‘බී’

පළමු වටයේදී පාසල් 18ක් කාණ්ඩ දෙකක් යටතේ වැදුණු අතර, එහිදී පසුගිය ශූරයන් වූ බම්බලපිටිය සාන්ත පීතර‍ විදුහල අබිබවා කොළඹ ආනන්ද විදුහල තම කාණ්ඩයේ ප්‍රසාද ලකුණු සටහනේ පෙරමුණ ගත් අතර, ඔවුන් සමඟ සාන්ත පීතර, ගාල්ල සාන්ත ඇලෝසියස් සහ මහනුවර ධර්මරාජ විදුහල් අර්ධ අවසන් පූර්ව වටයට සුදුසුකම් ලැබීය. පසුගිය වර අනුශූරයන් වූ කොළඹ තර්ස්ටන් විදුහල මෙවර ද පළමු වටයේදී තම කාණ්ඩයේ ප්‍රසාද ලකුණු සටහනේ පෙරමුණ ගත් අතර, ඔවුන් සමඟ කොළඹ ලුම්බිණි, ගාල්ල මහින්ද සහ කටුනේරිය සාන්ත සෙබස්තියන් විදුහල් අර්ධ අවසන් පූර්ව වටයට එක් විය.

අර්ධ අවසන් පූර්ව වටයේ තරග

හෙට (11): කොළඹ ආනන්ද (X1) සහ කටුනේරිය සාන්ත සෙබස්තියන් (Y4) සාන්ත තෝමස් පිටියේදී

හෙට (11): ගාල්ල සාන්ත ඇලෝසියස් (X3) සහ කොළඹ ලුම්බිණි (Y2) ආනන්ද විදුහල් පිටියේදී

13 දා: බම්බලපිටිය සාන්ත පීතර විද්‍යාලය (X2) සහ ගාල්ල මහින්ද (Y2) සාන්ත තෝමස් පිටියේදී

13 දා: මහනුවර ධර්මරාජ (X4) සහ කොළඹ තර්ස්ටන් (Y1) සාන්ත ජෝසප් පිටියේදී

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT