Home » ගුවන් හමුදාවෙන් පොළොන්නරුව ආනන්ද බාලිකාවේ ගොඩනැඟිලි අලුත්වැඩියාවට පියවර

ගුවන් හමුදාවෙන් පොළොන්නරුව ආනන්ද බාලිකාවේ ගොඩනැඟිලි අලුත්වැඩියාවට පියවර

by mahesh
November 10, 2023 12:57 am 0 comment

මහින්ද අලුත්ගෙදර

පොළොන්නරුව, ආනන්ද බාලිකා ජාතික පාසලේ ගොඩනැඟිලි ප්‍රතිසංස්කරණය කිරීම සඳහා දායකත්වය දීමට ශ්‍රී ලංකා ගුවන් හමුදාව පියවර ගෙන තිබේ.

ශ්‍රී ලංකා ගුවන් හමුදා හිඟුරක්ගොඩ කඳවුරෙන් සිදු කරන සමාජ සත්කාර ව්‍යාපෘති අතුරින් එක් ව්‍යාපෘතියක් ලෙස පොළොන්නරුව, ආනන්ද බාලිකා ජාතික පාසලේ වසර 71ක් පැරණි සුගලා දේවි ශාලාව ප්‍රතිසංස්කරණය කිරීම සහ පැරණි පන්ති කාමර ගොඩනැඟිල්ලක් ප්‍රධාන පරිපාලන ගොඩනැගිල්ල බවට ප්‍රතිසංස්කරණය කිරීම මෙහිදී සිදුව තිබේ.

ඒ අනුව එම ප්‍රතිසංස්කරණය කරන ලද ගොඩනැඟිලි සිසු අයිතියට පත්කිරීම ගුවන් හමුදාපති, එයාර් මාර්ෂල් උදේනි රාජපක්ෂ මහතාගේ ප්‍රධානත්වයෙන් සිදු කෙරිණි.

ගුවන් හමුදාපතිවරයාගේ උපදෙස් මත මේ ව්‍යාපෘතිය පසුගිය අගෝස්තු මස 23 වැනි දින ආරම්භ කර සති 10ක් ඇතුළත ශ්‍රී ලංකා ගුවන් හමුදා හිඟුරක්ගොඩ කඳවුරු අණදෙන නිලධාරී ගෲප් කැප්ටන් පී. ඩී. එස්. එස්. ගුණවර්ධන මහතාගේ අධීක්ෂණය යටතේ අවසන් කළ බව ගුවන් හමුදා මාධ්‍ය අංශය පවසයි.

මෙයින් දරුවන්ගේ අධ්‍යාපන කටයුතු සහ අනෙකුත් විෂය ක්‍රියාකාරකම් සාර්ථකව කරගෙන යෑමට පහසුවක් වී තිබෙන අතර, එය දරුවන්ගේ ඉදිරි අධ්‍යාපන කටයුතු සඳහා පිටිවහලක් වන බව ද ගුවන් හමුදාව පෙන්වා දෙයි.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT