විදුලි හා විදත් නිපැයුම් අංශ රන් සම්මානය මයික්‍රෝ ඉලෙක්ට්‍රිකල් සමාගමට

ජනාධිපති රනිල් වික්‍රමසිංහ මහතාගේ ප්‍රධානත්වයෙන් කොළඹ නෙළුම් පොකුණ රඟහලේ ඉකුත්දා (02) පැවැති ජාතික කර්මාන්ත විශිෂ්ටතා සම්මාන උලෙළ – 2023 දී විදුලි හා විද්‍යුත් කර්මාන්ත නිෂ්පාදන අංශයේ රන් සම්මානය දිනා ගැනීමට කොළඹ මයික්‍රෝ ඉලෙක්ට්‍රික් ඉන්ටර්නැෂනල් (පුද්) සමාගම Micro electric international pvt Ltd සමත් විය. මීට වසර 28කට පෙර 1995 නොවැම්බර් 04 වැනිදා ඉතා කුඩාවට ආරම්භ කළ මේ සමාගම විසින් මේ වනවිට ‘ඩිවොල්කා’ නමින් සිය විදුලි හා විදුලි උපාංග විදේශ රටවල් රැසකට අපනයනය කරනු ලබයි. ඉතා ඉහළ ප්‍රමිතියෙන් හා ආරක්ෂා සහිත විදුලි උපකරණ හා උපාංග නිෂ්පාදනය කරන මේ සමාගම ශ්‍රී ලංකා ප්‍රමිති ආයතනයෙන් ලබාදෙන SLS ප්‍රමිති සහතික මෙන්ම ISO9001 – 2015, ISO 450001 – 2018, ISO14001 – 2015 ජාතික හා ජාත්‍යන්තර ප්‍රමිති සහතික දිනාගෙන ඇත.