740
අධ්‍යාපන අමාත්‍යාංශය පවත්වනු ලැබූ 2023 වර්ෂයේ සිංහල භාෂා සාහිත්‍ය තරගාවලියේ 7 ශ්‍රේණියේ තරගයෙන් සමස්ත ලංකා ප්‍රථම ස්ථානය හිමි කර ගැනීමට මතුගම අධ්‍යාපන කලාපයේ අගලවත්ත, කළුපහණ කනිටු විද්‍යාලයේ ඩී.ඒ. කේෂාරී ගිම්හානී සිසුවිය සමත්ව තිබේ.
සිංහල භාෂාව හා සාහිත්‍ය 7 වසර තරගාවලියේ මතුගම කලාපයේ ප්‍රථම ස්ථානයත්, බස්නාහිර පළාතේ දෙවන ස්ථානයත් හිමිකර ගත් කේෂාරි ගිම්හානි සිසුවිය විද්‍යාලයේ දක්ෂ හා දීප්තිමත්ම දියණියක් බව විදුහල්පතිනිය අයි. ඩී. හෙට්ටිආරච්චි මහත්මිය කීවාය. විද්‍යාලයේ සිංහල ආචාරිනී ඩී. එම්. කල්පනි මහත්මිය ඇතුළු ආචාර්ය මණ්ඩලය ඇයගේ මෙම ජයග්‍රහණයට දායකත්වය සපයා ඇත.
