396
සියලු පළාත් පාලන ආයතනවල ගෙවීම් කටයුතු එළඹෙන 2024 වසරේ සිට මාර්ගගත ක්‍රමය ඔස්සේ කිරීමට පළාත් සභා හා පළාත් පාලන අමාත්‍යාංශය සැලසුම් කර තිබේ.
ඒ අනුව පළාත් පාලන ආයතනවල බදු එකතු කිරීම ඇතුළු ගෙවීම් කටයුතුවලදී ජනතාවට අපහසුතා ඇති වීම වැළැක්වීම මෙම වැඩපිළිවෙළේ අරමුණ බව පළාත් සභා හා පළාත් පාලන රාජ්‍ය ඇමැති ජානක වක්කුඹුර මහතා පවසයි.
ලබන වසරේ ජනවාරි මස 1 වැනිදා සිට මෙම වැඩපිළිවෙළ ක්‍රියාත්මක කෙරෙන අතර ඒ අනුව ප්‍රාදේශීය සභා, නගර සභා සහ මහනගර සභා වෙනුවෙන් ජනතාව විසින් ගෙවිය යුතු ගෙවීම් මාර්ගගත ක්‍රමය ඔස්සේ ගෙවීමට හැකි බව ද ඇමැතිවරයා පෙන්වා දෙයි.
එය මහජනතාවට විශාල පහසුවක් බව පෙන්වාදෙන ජානක වක්කුඹුර මහතා මුදල් ගෙවීමේ කටයුතු වඩා විධිමත් හා කාර්යක්ෂම ආකාරයෙන් සිදු කළ හැකි වන බව ද කියා සිටී.
