බදුල්ල ප්‍රදේශයට ඊයේ ( 23) සවස පැවති අධික වර්ෂාවත් සමග තෙල්බැද්ද ඇල්ලඅරාව මාර්ගය කඩාගෙන දැව ප්‍රවාහනය කළලොරියක් පෙරලීමෙන් රියදුරා සහ සහයක සුළු තුවාල ලබා තිබෙන බව පොලිසිය කියයි
තෙල්බැද්ද ප්‍රදේශයේ සිට දැව කදන් ඊයේ රාත්‍රි ධාවනය වු ලොරිය මාර්ගය පුපුරා ඇති බවට දැන්වීම් සවිකර තිබියදි මාර්ගයේ ලොරිය ධාවනය කරමින් සිටියදි පාර කඩාගෙන වාහනය ප්‍රපාතයකට පෙරලී අනතුර සිදුව තිබෙයි.
මෙම අනතුරින් මාර්ගය කඩා වැටීම නිසා තෙල්බැද්ද,ඇල්ලඅරාව,උඩගල්දිය,වැල්ගොල්ල,මොරගොල්ල, ගම්මාන වල ජීවත්වන පවුල් 3000කට පමණ ප්‍රවාහන පහසුකම් ලබාගන්නා මාර්ගය අහිමිව තිබේන අතර මාර්ගය කඩා වැටීම නිසා පාසල් දරුවන් ඇතුළු ගම්වාසීන්ට සැතපුම් ගණනාවක් පාගමණින් යාමට සිදුව ඇති බව වාර්තා වෙයි
මෙම වැසි දිනවලදි බදුල්ල අවට කදු ප්‍රදේශවල අතුර මාර්ග රැසක් නාය යෑමේ අවදානමකට ලක්ව තිබෙන බව පොලිසිය කියයි.
