187
ශ්‍රී ලංකා – එක්සත් රාජධානි සබඳතා තවදුරටත් ශක්තිමත් කර ගනිමින් තෙදින නිල සංචාරයක් සඳහා එක්සත් රාජධානියේ ඉන්දු – පැසිෆික් කලාපය සඳහා විදේශ, පොදුරාජ්‍ය මණ්ඩලයීය සහ සංවර්ධන ඇමැතිනී ඈන්-මරී ට්‍රවෙලියන් මහත්මිය ශ්‍රී ලංකාවට ඊයේ (10) පැමිණියාය.
එතුමියගේ පැමිණීම එක්සත් රාජධානිය සහ ශ්‍රී ලංකාව අතර පැවැත්වෙන වසර 75ක රාජ්‍යතාන්ත්‍රික සබඳතාවයේ සැමරුමක් ලෙස සනිටුහන් වන අතර, ඒ මහත්මිය සිය නිලයේ කාර්යභාරය ඉටු කිරීම සඳහා ශ්‍රී ලංකාවට පැමිණි පළමු අවස්ථාව මෙය බව ශ්‍රී ලංකාවේ බ්‍රිතාන්‍ය මහ කොමසාරිස් කාර්යාලය පවසයි.
