384
දිවයිනේ නිරිතදිග ප්‍රදේශවල පවතින වැසි තත්ත්වයේ වැඩි වීමක් අද (27) සිට ලබන මස 01 දින පමණ දක්වා බලාපොරොත්තු වන බව කාර්යයේ නියුතු කාලගුණ විද්‍යාඥ ශ්‍රීමාල් හේරත් මහතා පැවසීය.
බෙංගාල බොක්ක උතුරු ප්‍රදේශයේ පවතින කැලඹිලිකාරි තත්ත්වයක් මෙම වැසි වැඩී වීමට බලපා ඇති බවද ඔහු සඳහන් කළේය. මෙම කැලඹිලිකාරි තත්ත්වය නිසා රට හරහා ගමන් කරන සුළං ප්‍රවාහය වැඩිවීම වැසි වැඩි වීමට බලපා ඇත. ඌව සහ නැඟෙනහිර පළාත්වල ද සවස් කාලයේ ගිගුරුම් සහිත වැසි බලාපොරොත්තු විය හැකි බවද ශ්‍රීමාල් හේරත් මහතා සඳහන් කළේය. කන්කසන්තුරේ සිට කොළඹ, ගාල්ල හරහා හම්බන්තොට, පොතුවිල් දක්වා මුහුදු ප්‍රදේශවල සුළං තත්ත්වය වැඩිවී රළු විය හැකිය.
