– ඕසෝන් වියන රැක ගැනීම අරමුණයි
– කේතය ස්කෑන් කිරීමෙන් ශාකය ගැන සියලු තොරතුරු
– සිටුවන සෑම ගසකටම QR කේතයක්
වියනට හුස්මක් පැළ දහසක් රෝපණය කිරීමට වූ වැඩසටහන ගම්පහ ප්‍රදේශීය ලේකම් කොට්ඨාසයේ වසම් 101ක් පුරා ක්‍රියාත්මක කිරීමට කටයුතු කර තිබේ.මෙය කෙරෙන්නේ ඕසෝන් වියන රැක ගැනීමේ ජාත්‍යන්තර දිනයට සමගාමීවය. මේ සඳහා දායකත්වය දෙන්නේ ජනාධිපති කාර්යාලයේ ජන සභා ලේකම් කාර්යාලය සහ ගම්පහ ප්‍රාදේශීය ලේකම් කාර්යාලයයි. අද (22) උදෑසන 9.37ට ගම්පහ දිස්ත්‍රික් ලේකම් කාර්යාල භූමියේදී සිදු කරන අතර එයට සමගාමීව ගම්පහ ප්‍රදේශීය ලේකම් කොට්ඨාස 101 එකම මොහොතේදී කිරීමට නියමිතය. රුක් රෝපණ කිරීමේ වැඩසටහන් රට පුරා ක්‍රියාත්මක වුවද ඒවා ගැන පසු විපරම් කිරීම සහ පසු නඩත්තු කිරීම් කරන්නේ නැත.එහි ප්‍රතිඵලය බවට පත්වන්නේ විශාල වියදමක් දරා සිදු කරන රුප රෝපණ වැඩසටහන්වල නිසි ඵලය ලබා ගැනීමට නොහැකි වන්නේ නිසි ආකාරයට පසු විපරම් නොකිරීම නිසාය.එහෙත් ගම්පහ ප්‍රාදේශීය ලේකම් කොට්ඨාසයේ සිදුකරන වියනට හුස්මක් වැඩසටහනෙන් පසු විපරම් සිදු වූයේ අඩුවෙනි. එහෙත් වියනට හුස්මක් වැඩසටහනින් පසු විපරම් කාර්යයට විශේෂ අවධානයක් යොමුව තිබේ. 
පසු විපරම සඳහා තාක්ෂණය ගැනීමේ වැඩසටහනට යොදා ගැනීමට කටයුතු කර තිබේ. මෙහිදී රෝපණය කරන සෑම ගසක් සඳහාම QR කේතයක් හිමිවන අතර එම කේතය ඔස්සේ මේ පැළය දීර්ඝ කාලීනව රැකවරණය සපයයි.මෙමඟින් පැළයේ සියලු තොරතුරු මෙමඟින් යාවත්කාලීන කරන අතර QR කේතය ස්කෑන් කිරීම මඟින් ශාකය ගැන සියලුම තොරතුරු ලබාගත හැකිය.මේ සඳහා ගම්පහ ප්‍රාදේශීය ලේකම් කොට්ඨාසය නියෝජනය කරන සංවර්ධන නිලධාරීන් පුරෝගාමි දායකත්වයක් දෙයි.මේ සඳහා පාසල් සිසු සිසුවියන්ද දායක කර ගැනීමටත් ඔවුනට මේ ගැන දැනුවත්භාවයක් ලබාදීමටත් කටයුතු කරයි.
වියනට හුස්මක් වැඩසටහනට ගම්පහ දිස්ත්‍රික් ලේකම් සමන් දර්ශන පාඬිකෝරාළ මහතාද අගනා සහායක් ලබාදෙයි. තම මඟ පෙන්වීම සහ උපදෙස් ලබාදීම මඟින් දිසාපතිවරයා වියනට හුස්මක් රුක් රෝපණ වැඩපිළිවෙළට තම සහාය දෙන අතර සංවර්ධන නිලධාරීන්ගේ දායකත්වයෙන් ජන සභා ලේකම් කාර්යාලය සහ ගම්පහ ප්‍රාදේශීය ලේකම් කාර්යාලය මඟින් ලබාදෙන දායකත්වය පිළිබඳව ඇගයුමක් සිදු කරයි. එමෙන්ම මේ වැඩසටහනේ සංවිධායක මණ්ඩලයද මහ දිසාපතිවරයා දෙන දායකත්වය සහ මඟ පෙන්වීම අගය කරති.
වියනට හුස්මක් රුක් රෝපණ වැඩසටහන ගැන ගම්පහ ප්‍රාදේශීය ලේකම් සුරංගා ගුණතිලක මහත්මිය දැක් වූයේ මෙවන් අදහසකි.
Òගසක් තමයි ලෝකෙට ජීවය දෙන්නේ. ගම්පහ ප්‍රාදේශීය ලේකම් කාර්යාල බල සීමාව ඇතුළේ අපි හැමවිටම රුක්රෝපන වැඩසටහන් සහ පරිසර සංරක්ෂණ වැඩසටහන්වලට මූලික වෙලා කටයුතු කරනවා. එහෙත් අපි දැකපු එක දෙයක් තමයි අපි කොයිතරම් රුක් රෝපණ වැඩසටහන්වල යෙදුණත් ඒ ගැන පසු විපරමක් නැතිකමින් ඒ ශාක විනාශ වෙලා යනවා.
ජන සභා ලේකම් කාර්යාලයේ නීතිඥ අකලංක හෙට්ටිආරච්චි මහතා –
මෙය අගය කළයුතු වැඩසටහනක්. මේ වැඩසටහනට ජනසභා ලේකම් කාර්යාලය විදිහට අපට සුවිශේෂ දායකත්වයක් ලබා දීමට හැකිවීම පිළිබඳව අපට තිබෙන්නේ ලොකු සතුටක්.ජන සභා සංකල්පයේ අරමුණ බවට පත්ව තිබෙන්නේ ගමත් සමඟ එක්ව ගමේ ජනතාව සමඟ එක්වා වැඩ කිරීම එහි ආරම්භක පියවරක් විදිහට ගම්පහ ප්‍රාදේශීය ලේකම් කොට්ඨාසය තුළ ක්‍රියාත්මක කරන වියනට හුස්මක් වැඩසටහන අගය කළ යුතු සහ මුළු රටම ආදර්ශයට ගත යුතු වැඩසටහන් විදිහට හඳුන්වා දිය යුතුයිÓ.
හොරගොල්ල දකුණ ජනසභා නියමු ව්‍යාපෘතිය භාර සංවර්ධන නිලධාරී ධම්මික එදිරිසිංහ –
‘ගම්පහ කොට්ඨාසයේ ජන සභා නියමු ව්‍යාපෘතිය ක්‍රියාත්මක කරන අවස්ථාවේදී තමයි අපි අත් දැක්කේ, අපි කරලා කිසිම ව්‍යාපෘතියක නිසියාකාර පසු විපරමක් සිදු වෙන්නේ නැහැ කියා. මේ පසු විපරම් කිරීමේ වැදගත්කම අපි අත් දැක්ක නිසා මේ ගැන වැඩිදුරටත් සංවර්ධන නිලධාරීන් වන අපිත් ප්‍රාදේශීය ලේකම්, මුලින් සාකච්ඡා කළා. ඊට පස්සේ තමයි අපි ජනසභා ලේකම් කාර්යාලයත් සමඟ මේ ගැන සාකච්ඡා පැවැත්වූවා.
තරංගට නිරන්ජන් මහතා-
සංවර්ධන නිලධාරීන් කියන්නේ ක්ෂේත්‍රයේ විශාල වැඩ කොටසක් කළ පිරිසක්. පසුගිය කොරෝනා වසංගතය සමයේ ඔවුන් දුන් දායකත්වය ඉමහත්.
උඩුගම්පොළ සිංහ සමාජයේ සභාපති සිංහ අජිත් රූපසිංහ මහතා-
Òඅප මේ වැඩසටහනට සිංහ සමාජය විදිහට අවශ්‍ය සහයෝගය දෙනවා. අප විශ්වාස කරන විදිහට මේ වැඩසටහන ඉතාමත් හොඳ පරිසර හිතකාමී වැඩසටහනක් විදිහට හඳුන්වා දිය යුතුයි.
