බදුල්ල දිස්ත්‍රික්කයේ පවතින අධික වර්ෂාවත් සමඟ පස්සර මඩොල්සිම ප්‍රධාන මාර්ගයේ 1 කණුව සොහොන හංදිය අසලදී මාර්ගයට පස්කදු ගස්කොළන් කඩා වැටී අවහිර වී තිබූ මාර්ගයේ රථ වාහන ධාවනය යලි ඊයේ (21) රාත්‍රි සිට යථා තත්ත්වයට පත් කල බව ආපදා කළමනාකරණ මධ්‍යස්ථානයේ බදුල්ල දිස්ත්‍රික් සහකාර අධ්‍යක්ෂ ඊ.එම්.එල් උදයකුමාර මහතා පවසයි .
වර්ෂාවත් සමඟ විශාල පස්කන්දක් ගස්කොළන් සමඟ පස්සර මඩොල්සිම ප්‍රධාන මාර්ගයට කඩා වැටීමෙන් එම මාර්ගයේ රථ වාහන ධාවනය මුලුමනින්ම ඇණ හිට තිබිණ .මේ නිසා පාසල් සිසුන් , රැකියා වලට ගිය උදවිය මෙන්ම අනෙකුන් ජනතාව දැඩි අපහසුතාවට පත්ව සිටියහ .
පස්සර පොලිසිය , ප්‍රාදේශීය සභාව , මාර්ග සංවර්ධන අධ්කාරිය, ආපදා කළමනාකරණ මධ්‍යස්ථානය එක්වී මාර්ගයට කඩා වැටී තිබූ පස්කදු ගස්කොළන් ඉවත් කර දමා මාර්ගයේ රථ වාහන ධාවනයට ඉඩකඩ සලසා දුන් බවද ආපදා කළමනාකරණ මධ්‍යස්ථානයේ බදුල්ල දිස්ත්‍රික් සහකාර අධ්‍යක්ෂ ඊ.එම්.එල් උදයකුමාර මහතා සදහන් කළේය .
