394
බංග්ලාදේශයේ ඩකා අගනුවර වෙළෙඳපොළක ඇතිවූ විශාල ගින්නකින් කඩසාප්පු සිය ගණනක් ගිනිබත් වු බව විදෙස් මාධ්‍ය වාර්තා කළේය. එක්තරා වෙළෙඳසලක විදුලි පරිපථයකින් ගින්න හටගෙන ඇති අතර, පසුව එකපෙළට තිබූ සෙසු වෙළෙඳසල්වලට ද වේගයෙන් ගින්න පැතිරී ඇතැයි වාර්තා වේ.
ඊයේ උදෑසන වෙළෙඳසල් විවෘත කිරීමට පෙර ගින්න ඇති වූ බැවින් ජීවිත හානි කිසිවක් වාර්තා නොවන බව එරට මාධ්‍ය සඳහන් කළේය. ගින්න නිවීම සඳහා ගිනි නිවන හමුදාවට පැය 6ක කාලයක් ගත වූ බව ද වාර්තා වේ.
