අධ්යයන පොදු සහතික පත්ර 2023 වසරේ උසස් පෙළ විභාගයේ කාලසටහන ශ්රී ලංකා විභාග දෙපාර්තමේන්තුව මඟින් නිකුත් කර තිබේ. විෂයන් 62කට අදාළව විභාගය පැවැත්වෙන අතර නොවැම්බර් මස 27 වැනිදා සිට දෙසැම්බර් 21 වැනිදා දක්වා දින 22ක් පුරාවට මෙවර උසස් පෙළ විභාගය පැවැත්වේ.
උසස් පෙළ විභාගයට පෙනී සිටින දරුවන්ට පාසල් වාර හයක් හිමි වන අතර 2023 වර්ෂයේ සිසුන්ට නොවැම්බර් 24 වැනිදා දක්වා පාසල් දින 343ක කාලයක් තුළ පාසල් වාර හතක් ඉගෙනුම් කටයුතු සඳහා හිමිව තිබීම විශේෂත්වයකි. උසස් පෙළ පාසල් සිසුන්ගේ පැමිණීම සියයට 80 සිට සියයට 40 දක්වා අඩු කර තිබේ. උසස් පෙළ විභාගය 2022 (2023) වර්ෂයේ ප්රතිඵල නිකුත් කර ඇති අතර එම විභාගයට පෙනී සිට නැවතත් මෙවර විභාගයට පෙනී සිටීමට අපේක්ෂා කරන සිසුන්ට මාර්ගගත ක්රමය ඔස්සේ නැවත අයදුම් කිරීමට අවස්ථාව ලබා දී ඇති බව ශ්රී ලංකා විභාග දෙපාර්තමේන්තුව දැනුම් දෙයි.