කොළඹ ආනන්ද විද්‍යාලයේ ලියෝ සමාජයේ දසවන සංවත්සරය සහ ඉදිරි වර්ෂය වෙනුවෙන් තේරී පත්වූ නව නිලධාරීන් දිවුරුම් දීම ජනාධිපති කාර් ය මණ්ඩල ප්‍රධානී සහ ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සාගල රත්නායක මහතාගේ ප්‍රධානත්වයෙන් කොළඹ නෙලුම් කුලුන පරිශ්‍රයේදී පසුගියදා පැවැත්විණි.
ගුවන් හමුදාපති එයාර් මාර්ෂල් උදේනි රාජපක්ෂ , ජාත්‍යන්තර ලියෝ සමාජ උපදේශක ලසන්ත ගුණවර්ධන , සිංහ සමාජයේ බහුමණ්ඩල 306 සභාපති ඉන්ද්‍රා කෞශල්‍ය රාජපක්ෂ , 306 C2 උප සිංහාධිපති රන්ජිත් ප්‍රනාන්දු , ආනන්ද විද්‍යාලයේ විදුහල්පති පී. දිසානායක මහත්වරුන් ඇතුළු සම්භාවනීය අමුත්තන් රැසක් මේ අවස්ථාවට සහභාගි වූහ.
2023-2024 ලියෝ වර්ෂයට නව සභාපති ලෙස ලියෝ තරුෂ රන්දිත ද අනිකුත් නිලධාරීන්ද මෙහිදී දිවුරුම් දුන්හ. සාගල රත්නායක සහ ලසන්ත ගුණවර්ධන මහත්වරුන් ආනන්ද විද්‍යාලයේ ලියෝ සමාජය වෙනුවෙන් දුන් සහයෝගය වෙනුවෙන් ඔවුනට විශේෂ ඇගයීම් තිළිණ ප්‍රදානය කිරීම ද මෙහිදී සිදුවිය.
