මැලේසියානු ජාතික දිනය මෙවර 66 වන වතාවටත් අති උත්කර්ෂවත් අන්දමින් මැලේෂියානු ජනතාව විසින් සමරනු ලබන අතර ඊට සමගාමීව ශ්‍රි ලංකාවේ මැලේෂියානු මහ කොමසාරිස් කාර්යාලය විසින් සංවිධානය කරන ලද මැලේසියානු ජාතික දින සැමරුම අධිකරණ බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය ජනාධිපති නීතිඥ, ආචාර්ය විජයදාස රාජපක්ෂ මහතාගේ ප්‍රධානත්වයෙන් ඊයේ (31) දින පස්වරුවේ කොළඹ ෂැන්ග්‍රිලා හෝටලයේදී පැවැත්විණ.
1957 අගෝස්තු 31 දින මලයානු නිදහස් ප්‍රකාශය සැමරීම සහ මැලේසියාවේ ආණ්ඩුක්‍රම ව්‍යවස්ථාවේ 160 වගන්තියේ අර්ථ දක්වා ඇත. රට පුරා නිල සහ නිල නොවන උත්සව සහ සැමරුම් මගින් මෙම දිනය සලකුණු කර ඇත. වර්ෂ 1987 අගෝස්තු 30 වන දින රාත්‍රීයේ ක්වාලාලම්පූර්හි මර්ඩේකා චතුරශ්‍රයේ විසිදහසකට අධික පිරිසක් මැලේසියානු රාජ්‍යට බ්‍රිතාන්‍යන්ගෙන් බලය පැවරීම දැක බලා ගැනීම සඳහා රැස්ව සිටි අතර “ගෝඩ් සේව් ද ක්වීන්” යන රාජකීය ගීය වාදනය වන විට බ්‍රිතාන්‍ය යුනියන් කොඩිය පහත් කරන ලදී.
නෙගරකු ජාතික ගීය වාදනය වන විට මලයාවේ නව කොඩිය ඔසවා පසුව මැලේෂියානු මහජනයා විසින් “මර්ඩේකා” ගීත හතක් ගායනා කල බවත් ටුන්කු අබ්දුල් රහ්මාන් පසුව මෙම උත්සවය “මලයානු ජනතාවගේ ජීවිතයේ ශ්‍රේෂ්ඨතම අවස්ථාව” ලෙස ප්‍රකාශ කරමින් දේශනයක් පැවැත්වූ බවත් එතැන් පටන් එදින මැලේෂියානු ජාතික දිනය ලෙස සෑම වසරකම අගොස්තු 31 දින සමරනු ලබන බවත් සඳහන් වේ. එහිදී අදහස් පළ කරමින් අධිකරණ අමාත්‍යතුමා වැඩිදුරටත් මෙසේ ද සදහන් කළේය.
මැලේසියානු , රජයට සහ මැලේසියාවේ ජනතාවට උණුසුම් සුබපැතුම් පිරිනමන බවත්, ශ්‍රී ලංකා රජය වෙනුවෙන් මැලේසියාවේ 66 වන ජාතික දින ප්‍රීතිමත් අවස්ථාවට ප්‍රධාන ආරාධිතයා ලෙස මෙහි පැමිණීමට ලැබීම මට මහත් සතුටක් බවත්, අමාත්‍යතුමා පැවසීය. මෙම දිනය ශ්‍රේෂ්ඨ ජාතියක උපත පමණක් නොව මැලේසියාවේ ජනතාව එකට බැඳ තබන සාමූහික ගමන, ජයග්‍රහණ සහ අභිලාෂයන් ද සංකේතවත් කරමින් ශ්‍රී ලංකාව සහ මැලේසියාව අතර ඓතිහාසික සබඳතා ගැඹුරින් මුල් බැසගෙන ඇති සමුද්‍ර වෙළඳාම, සංස්කෘතික හුවමාරු සහ හවුල් බලපෑම් මගින් හැඩගැසුණු සියවස් ගණනාවක් ඈතට දිව යන බව අමාත්‍යවරයා සඳහන් කලේය.
මෙම අන්තර් කලාපීය සංස්කෘතික විවිධත්වයට සහ ඓතිහාසික සංසිද්ධීන් වලට දායක වෙමින් ජාතීන් දෙකටම සදාකාලික බලපෑමක් ඇති ශ්‍රී ලංකාව සහ මැලේසියාව යන රටවල් දෙකම නැඟෙනහිර හා බටහිර සම්බන්ධ කළ පුරාණ සමුද්‍ර වෙළෙඳ මාර්ග ඔස්සේ ප්‍රධාන සංධිස්ථාන වූවා සේම මෙම ප්‍රදේශවල විවිධ ප්‍රදේශ හරහා කරන වෙළඳ කටයුතු, වන්දනාකරුවන්, සිසුන් සහ ගවේෂකයන් සමඟ භාණ්ඩ, අදහස් සහ සංස්කෘතීන් හුවමාරු කර ගැනීමට මෙම මාර්ග පහසුකම් සලසා ඇති බවත් සඳහන් කල අමාත්‍යවරයා පෙන්වා දුන්නේ මෙම සංස්කෘතික අන්තර්ක්‍රියා රටවල් දෙකටම නොමැකෙන සටහන් ලෙසයි.
වරාය හා ගුවන් සේවා අමාත්‍ය නිමල් සිරිපාලද සිල්වා, කම්කරු හා විදේශ රැකියා අමාත්‍ය මනුෂ නානායක්කාර, වෙළඳ අමාත්‍ය නලින් ප්‍රනාන්දු, උසස් අධ්‍යාපන රාජ්‍ය අමාත්‍ය, ආචාර්ය සුරේන් රාඝවන්, විදේශ කටයුතු රාජ්‍ය අමාත්‍ය තාරක බාලසූරිය යන අමාත්‍යවරුන්, මහ බැංකු අධිපති ආචාර්ය නන්දලාල් වීරසිංහ මහතා, මැලේෂියානු මහ කොමසාරිස් කාර්යාලය නියෝජනය කරමින් නිලධාරීන්, රාජ්‍ය තාන්ත්‍රික නියෝජිතයින් ඇතුළු විශාල පිරිසක් මෙම අවස්ථාවට එක්වුහ.
