තීරු බදු නොගෙවූ රට දුම්වැටි තොගයක් මකුළුව නිවෙසක

රජයට තීරුබදු අහිමි කරමින් මෙරටට ගෙන්වන ලද විදේශීය රටක නිෂ්පාදිත Manchester වර්ගයේ දුම්වැටි තොගයක් හොර රහසේ නිවසක් තුළ සඟවාගෙන සිටි පුද්ගලයකු විශේෂ කාර්ය බළකා නිලධාරීන් අත්අඩංගුවට ගෙන තිබේ. විශේෂ කාර්ය බළකාය රත්ගම කඳවුරේ නිලධාරීන්ට ලද තොරතුරකට අනුව විශේෂ කාර්ය බළකා නිලධාරීන් කණ්ඩායමක් පෙරේදා (30) ගාල්ල පොලිස් වසමේ 5/22, මකුළුව, 01 පටුමඟ, ගාල්ල ප්‍රදේශයේ නිවසක දී වැටලීමක් සිදුකර ඇත. එහි දී තීරු බදු නොගෙවා මෙරටට ගෙන්වන ලද Manchester වර්ගයේ විදේශිය දුම්වැටි 1,180ක් සන්තකයේ තබාගෙන සිටි මකුළුව, 01 පටුමඟ, ගාල්ල ප්‍රදේශයේ පදිංචි වයස අවුරුදු 38ක පුද්ගලයකු අත්අඩංගුවට ගෙන වැඩිදුර විමර්ශන කටයුතු සඳහා ගාල්ල මූලස්ථාන පොලිස් ස්ථානය වෙත භාර දී ඇත.