නුගේගොඩ තෙත්බිම් උද්‍යානය මිතුරු කැල විසින් මහරගම අපේක්ෂා රෝහලේ නේවාසික රෝගීන් එක්දහස් එකසියදෙනෙකුට දිවා ආහාරය ලබාදීම හා අත්‍යාවශ්‍ය ඖෂධ තොගයක් භාරදීම ගිහි පැවිදි පිරිසකගේ සහභාගිත්වයෙන් මහරගම අපේක්ෂා රෝහල් පරිශ්‍රයේදී 31දා පැවැත්වුණි.
නුගේගොඩ තෙත්බිම් උද්‍යානය මිතුරු කැල 06 වැනි වරට ලබා දුන් රුපියල් ලක්ෂ පහළොවකට ආසන්න වටිනාකමින් යුත් අත්‍යවශ්‍ය ඖෂධ තොගය තෙත්බිම් උද්‍යාන මිතුරු කැල විසින් අපේක්ෂා රෝහලේ අධ්‍යක්ෂ අරුණ ජයසේකර මහතා වෙත මෙහිදී භාරදීම සිදු කෙරිණි.
මෙම අවස්ථාවට කොළඹ උතුර ශාසනාරක්ෂක බල මණ්ඩලයේ උප සභාපති කොටහේන සුමිත්‍රාරාම විහාරාධිපති ශාස්ත්‍රවේදී වැහිගල ධම්මාලංකාර නා හිමි, නුගේගොඩ තෙත්බිම් උද්‍යානය මිතුරු කැල ප්‍රධාන සංවිධායක නිලන්ත කරුණාරත්න, ජාතික ඉතිරි කිරීමේ බැංකුවේ හිටපු කළමනාකරු සුනිල් ජයනෙත්ති, ටෙලිකොම් ආයතනයේ හිටපු සාමාන්‍යාධිකාරි සරත් කුමාර සිල්වා, හිටපු රේගු අධිකාරි ගාමිණී ලියනගේ, ප්‍රවීණ ඉංග්‍රීසි භාෂා දේශක ලයනල් ලංකාපුර, සිවිල් ඉංජිනේරු නන්දසේන පෙරේරා මහතා ඇතුළු විශාල පිරිසක් මෙම අවස්ථාවට සහභාගී වී සිටියහ.
