මහමඟ නතර කර ඇති යතුරුපැදි සොරා ගන්නා සැකකරුවෙකු හා ගරාජ්හිමියෙකු එලෙස සොරා ගත් යතුරුපැදි පහක් සමඟ 31 දා ගල්කිස්ස, හුලුදාගොඩ ප්‍රදේශයේදී අත් අඩංගුවට ගත් බව ගල්කිස්ස කොට්ඨාස අපරාධ විමර්ශන ඒකකය පවසයි.
මෙලෙස අත් අඩංගුවට පත් වුයේ හෝමගම, මුල්ලේගම, ශ්‍රි සීලාලංකාර පාරේ පදිංචි 34 හැවිරිදි පුද්ගලයෙකු සහ ගල්කිස්ස, හුලුදාගොඩ පදිංචි 38 හැවිරිදි ගරාජ්හිමියෙකි.
පිටුපස නොම්බර තහඩුව විසිල් බෝඩ් එකක සටහන් කරගත් ඩිස්කවරි වර්ගයේ යතුරුපැදියක් හුලුදාගොඩ පාරේ ගමන් කරමින් තිබියදි සැක සිතු ගල්කිස්ස පොලිසියේ නිලධාරින් මෙම යතුරුපැදිය නතර කර පරික්ෂා කිරිමේදි චැසි අංකය හා එංජින් අංකයද ග්‍රයින්ඩරයකින් කපා සකස් කර ඇති බව අණාවනරය වි තිබේ. මේ නිසා මෙම පුද්ගලයා අත් අඩංගුවට ගෙන ප්‍රශ්ණ කිරිමේදි එය හුලුදාගොඩ වාහන ගරාජයකින් සාදවා ගත්බව අණාවරනය වි තිබේ.
ඒ අනුව එම ගරාජය පරික්ෂා කිරිමේදි එලෙස වෙනස් කළ යතුරුපැදි තවත් හතරක් තිබි අත් අඩංගුවට ගැනිමට හැකි වි තිබේ.
මෙම සැකකරු ඩිස්කවරි වර්ගයේ යතුරුපැදිය ගල්කිස්ස ප්‍ර දේශයෙන් සොරාගෙන ඇති අතර තවත් යතුරුපැදි දෙකක් ගල්කිස්ස හා මොරටුව ප්‍රදේශයෙන් සොරාගත් ඒවා බව පොලිසිය පවසයි. සොයා ගත් ඉතිරි යතුරුපැදි දෙකෙහි හිමිකරුවන් පිළිබඳ තවමත් අණාවරනය වි නොමැති අතර මෙම සොරකම් පහම සිදු කර ඇත්තේ මේ වසරේ 2 හා 3 වෙනි මාස දෙක ඇතුලත බව අණාවනරය වි තිබේ.
කුලි රැකියාවේ නිරත පුද්ගලයෙකු වන හෝමගම පදිංචිකරු මහමඟ නතර කර තිබෙන යතුරුපැදි සොරකම් කර රැගෙන විත් ගරාජ් හිමියා ලවා වෙනස් කර අළෙවි කිරීමේ ජාවාරමක් සඳහා සුදානම්ව සිටින්නට ඇතැයි පොලිසිය සැක කරයි.
ගල්කිස්ස කොට්ඨාස අපරාධ විමර්ශන ඒකකයේ වැඩ බලන ස්ථානාධිපති පොලිස් පරික්ෂක අමිල, පොලිස් සැරයන්වරුන්වන 40753 හෙට්ටිආරච්චි, 87338 අනුරාධ, කොස්තාප්ලවරුන්වන 92693 සේනානායක, 102080 සෙව්මිණ,102364 බුද්ධික, පොකොරි 89863 රංගන යන නිලධාරින් මෙහි විමර්ශන සිදු කළහ.
