AIA ඉන්ෂුවරන්ස්, ශ්‍රී ලංකාවේ හොඳම ජීවිත රක්ෂණ සමාගම (ජාත්‍යන්තර කැපිටල් ෆිනෑන්ස් 2022,2021 සහ ග්ලෝබල් බෑන්කින් සහ ෆිනෑන්ස් රිවිව් 2020, 2019 වෙතින් ප්‍රදානය කරන ලදි) නොබෝදා ශ්‍රී ජයවර්ධනපුර, කෝට්ටේ පිහිටි මොනාක් ඉම්පීරියල් හෝටලයේ අතිඋත්කර්ෂවත් අයුරින් පැවති 2023, AIA අලෙවි සම්මාන උලෙළේ දී සිය විශිෂ්ට වෙල්ත් ප්ලෑනර්වරුන්, ඇගයුමට ලක්කරන ලදි.
AIA ඉන්ෂුවරන්ස් ලංකා සමාගමේ ප්‍රධාන විධායක නිලධාරිනී චතුරි මුනවීර මහත්මිය, නියෝජ්‍ය ප්‍රධාන විධායක උපුල් විජේසිංහ මහතා, ප්‍රධාන ඒජන්සි විධායක චානක ලියනගේ මහතා ඇතුළු AIA හි විධායක කමිටු සාමාජිකයින් මෙන්ම ජ්‍යෙෂ්ඨ කළමනාකාරීත්වයේ සහ මෙහෙයුම් කණ්ඩායම් සාමාජිකයින්ගේ ප්‍රධානත්වයෙන් මෙම උත්සවය පවත්වන ලද අතර දිවයිනේ නන් දෙසින් පැමිණ සිටි වෙල්ත් ප්ලෑනර්වරුන්, වෙල්ත් ප්ලෑනර් කළමනාකරුවන්, Three Tier කළමනාකරුවන් සහ බෙදාහැරීම් ඒකක ප්‍රධානීන්ගෙන් උත්සව සභාව සමන්විත විය.
‘Chasing Greatness, Across Time’ යන තේමාව යටතේ පවත්වන ලද මෙම අලෙවි උලෙළේ දී AIA හි වෙල්ත් ප්ලෑනර්වරුන්ගේ අතිවිශිෂ්ට කාර්යසාධනය පමණක් නොව සේවාලාභීන් හට සුවපත්, සැපවත්, දිගුකල් ජීවිතයක් ගත කිරීමට සහාය වීම යන උදාර ප්‍රතිඥාවට සැබෑ අරුතක් එක්කිරීම සඳහා මෙම විජයග්‍රාහී අලෙවි වෘත්තිකයින් කරන්නා වූ කැපකිරීම් වෙනුවෙන් ද ඔවුන්ව සම්මානනීයව ඇගයීමට ලක්කරන ලදි.
අලෙවි සම්මාන උලෙළේ උත්කෘෂ්ට අවස්ථාව වූයේ 2022 වසරේ විශිෂ්ටතම කාර්යසාධනයන් අත්පත් කරගත් විජයග්‍රාහීන් 6 දෙනා සම්මානයෙන් පිදුම් ලැබූ මොහොතයි. මේ වසරේ සම්මාන උලෙළේ දී හොඳම වෙල්ත් ප්ලෑනර් ට හිමි සම්මානය හිමි කරගත්තේ මහනුවර ප්‍රාදේශීය සංවර්ධන කාර්යාලයේ සංජීවනී සෝමරත්න මෙණෙවියයි. එමෙන්ම මාතර ප්‍රාදේශීය සංවර්ධන කාර්යාලයේ උදය හිත්තැටියගේ පළමුවන අනුශූරතාවත් කුරුණෑගල ප්‍රාදේශීය සංවර්ධන කාර්යාලයේ අසේල ජයසිංහ දෙවන අනුශූරතාවත් දිනා ගන්නා ලදි.
හොඳම වෙල්ත් ප්ලෑනර්ස් කළමනාකරු ලෙස සම්මාන‍ෙයන් පිදුම් ලැබුවේ වෙන්නප්පුව බෙදාහැරීම් ඒකකයේ නිමල් ප්‍රනාන්දු වූ අතර පළමු අනුශූරතාව පානදුර නගර ප්‍රාදේශීය සංවර්ධන කාර්යාලයේ කුමාර පෙරේරා සහ දෙවන අනුශූරතාව කොළඹ ප්‍රාදේශීය කාර්යාල අංක 4රේ අජිත් ඉන්දික විසින් දිනා ගන්නා ලදි.
මෙවර පානදුර නගර ප්‍රාදේශීය සංවර්ධන කාර්යාලයේ ක්‍රිෂාන් දසනායක විසින් හොඳම Cluster වෙල්ත් ප්ලෑනර්ස් කළමනාකරුට හිමි සම්මානය දිනාගත් අතර, පළමු අනුශූරතාව මොරටුව ප්‍රාදේශීය සංවර්ධන කාර්යාලයේ තක්ෂිලා කෝරළගේ මෙණෙවියත්, දෙවන අනුශූරතාව කුරුණෑගල ප්‍රාදේශීය සංවර්ධන කාර්යාලයේ චන්දිමා වන්නිආරච්චි මහත්මිය විසිනුත් දිනා ගන්නා ලදි.
