575
කොළඹ කාසල් කාන්තා රෝහලේදි දරුවකු ප්‍රසූත කළ මවක අයිස් මත්ද්‍රව්‍යයට ඇබ්බැහිව සිටින බව අනාවරණය වීමෙන් පසු රෝහල් බලධාරීන් විසින් ඇය මුල්ලේරියාව පොලිසිය වෙත යොමු කරනු ලැබීය. මෙම කාන්තාවට අවුරුදු දෙකහමාරක දරුවකු ද සිටින අතර, ඇයගේ සැමියා වරෙන්තුවකට අත්අඩංගුවට ගෙන මේ වන විට බන්ධනාගාරගතව සිටි.
මුල්ලේරියාව පොලිසියේ ළමා හා කාන්තා කාර්යාංශයේ ස්ථානාධිපතිනි පොලිස් සැරයන් ඉන්දිකා (5314) මහත්මිය විසින් ළමා අධිකරණය වෙත පැමිණිලි කිරීමෙන් පසු දින 21ක් වයසැති බිලිඳා මේ මස 21 වැනිදා තෙක් පානදුර ප්‍රජාපති ළමා නිවාසයේ රඳවා තැබීමටත් අවුරුදු දෙකහමාරේ දරුවා ආච්චි අම්මාට භාර කිරීමටත් තිරණය කෙරිණි.
මෙම කාන්තාව පුනරුත්ථාපනය වෙත යොමුකිරීම සඳහා මානසික තත්ත්වය පිළිබඳව වාර්තාවක් කැඳවීමට ද නියම කෙරිණි.
