කැලණි ගං ඉවුරේ නාඳුනන මළසිරුරක්

කැලණිය පොලිස් වසමේ ගෝනවල ප්‍රදේශයේ කැලණි ගං ඉවුරේ තිබී නාඳුනන මළ සිරුරක් සොයාගෙන තිබේ.

ඊයේ (25) දහවල් කාලයේ එලෙස පිරිමි මළ සිරුරක් ඇති බවට කැලණිය පොලීසියට ලද පණිවුඩයක් මත විමර්ශන ආරම්භ කළ බව පොලිසිය සදහන් කරයි.

මෘත ශරීරය හදිසි මරණ පරීක්ෂණය සඳහා කොළඹ ජාතික රෝහලේ තැන්පත් කර ඇත.

මියගිය පුද්ගලයාගේ අනන්‍යතාවය මෙතෙක් තහවුරු වී නොමැත. වයස අවුරුදු 48ක් පමණ වන උස අඩි 05යි අඟල් 06ක් වන සිරුරක් මෙලෙස හමුව ඇත.

අවසන් වරට ඇඳ සිට ඇත්තේ කහ පැහැති කමිසයක් සහ නිල් පැහැති කොට කලිසමකි.

කැලණිය පොලීසිය වැඩිදුර විමර්ශන සිදුකරනු ලබයි.