ලේක් හවුස් ක්‍රියාකාරිත්වය නැංවීමේ කමිටුවක්

සීමාසහිත එක්සත් ප‍්‍රවෘත්ති පත‍්‍ර සමාගමේ කටයුතු විධිමත් කිරීම සම්බන්ධයෙන් සොයා බැලීම සදහා ජනාධිපති ගරු මෛතී‍්‍රපාල සිරිසේන මැතිතුමා විසින් සිව් පුද්ගල කමිටුවක් පත් කර තිබේ. විශ‍්‍රාමලත් ශ්‍රේෂ්ඨාධිකරණ විනිසුරු නිමල් දිසානායක මහතාගේ සභාපතිත්වයෙන් යුත් එම කමිටුවේ සෙසු සාමාජිකයින් වන්නේ රාජා පේ‍්‍රමදාස, වී.ඞී. දහනායක, නීතිඥ චන්ද්‍රසිරි සෙනෙවිරත්න යන මහත්වරුන් ය. 
 
ලේක්හවුස් ආයතනයේ පරිපාලන හා කළමනාකරණ දුර්වලතා හ`දුනාගැනීම, මූල්‍ය තත්ත්වය පිළිබද විමර්ශනය සහ සේවක පරිපාලනය යන කරුණු සම්බන්ධයෙන් සොයා බැලීම මෙම කමිටුව මගින් සිදු කිරීමට නියමිතය. අදාළ කමිටු වාර්තාව මාස 03 ක් තුළ ජනාධිපතිතුමා වෙත භාරදිය යුතු අතර කමිටු වාර්තාව සැකසීමේදී සේවක හා මහජන අදහස් ද විමසිය යුතුය.
 
ලේක්හවුස් ආයතනයේ ඉදිරි දියුණුව සහ එහි කටයුතු ශක්තිමත් කිරීමේ අරමුණින් ජනාධිපතිතුමා විසින් මෙම කමිටුව පත් කර තිබෙන අතර ආයතනයේ සිංහල, දෙමළ, ඉංගී‍්‍රසි සියලූ පුවත්පත් උසස් ප‍්‍රමිතියකින් පාඨකයින් වෙත ලබාදීම සහ ලේක්හවුස් ආයතනය අනෙකුත් පෞද්ගලික මුද්‍රිත මාධ්‍ය ආයතන සමග තරගකළ හැකි අයුරින් ඉදිරියට ගෙන ඒම මෙහි අරමුණයි. 
 
ජනාධිපති මාධ්‍ය අංශය

අදහස් 1ක් ඇත

Oka nanwanna one nam hema magulakatama anduwata kade yana eka nawaththanna issara welwma.

පිටු

නව අදහස දක්වන්න

CAPTCHA
This question is for testing whether or not you are a human visitor and to prevent automated spam submissions.
1 + 0 =
Solve this simple math problem and enter the result. E.g. for 1+3, enter 4.

Or log in with...