Saturday, නොවැම්බර් 28, 2020 - 15:00
බස්නාහිර පළාතේ හුදෙකලා කර ඇති ප්‍රදේශවල අද(28) විශේෂ ගුවන් මෙහෙයුමක් පැවැත්වේ.
පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා කියා සිටියේ හුදෙකලා ප්‍රදේශ සම්බන්ධයෙන් විශේෂ ගුවන් මෙහෙයුමක් සිදු කිරීම සඳහා පොලිසිය ගුවන් හමුදාවේ සහාය ලබාගෙන ඇති බවයි.
ඒ අනුව බස්නාහිර පළාතේ හුදෙකලා ප්‍රදේශ නිරීක්ෂණය කිරීම සඳහා ගුවන් හමුදා හෙලිකොප්ටරයක් යොදවනු ඇත.
නිරෝධායන නීති උල්ලංඝනය කිරීමට එරෙහිව මහජනතාවට අනතුරු ඇඟවීමට ද හෙලිකොප්ටරය භාවිතා කරනු ඇත.
නිරෝධායන නීතිය උල්ලංඝනය කරන්නන් සොයා ගැනීමට සහ අත්අඩංගුවට ගැනීමට ගුවන් හමුදාව මෑතකදී ඩ්‍රෝන යානා යොදවා තිබුණි.
නව අදහස දක්වන්න